طريقة عمل
شاورما الفراخ وطريقة عمل شاورما
اللحمة بالتفصيل
طبعا طريقة عمل الشاورما تعتبر مطلب جماهيري 😂😂 ناس كتير بتطلبها مننا، عشان كده جبنا لكم طريقة عمل شاورما الفراخ وطريقة عمل
شاورما اللحمة، اكلات سريعة وجميلة وهتقدروا تعملوها في البيت بكل سهولة 👌، وطبعا متقلقوش ابدا
هنستخدم أدوات سهلة جدا وكمان ومقادير ومكونات موجودة في البيت دايما عشان نوضحلكم
طريقة عمل شاورما
الفراخ وطريقة عمل شاورما اللحمة بالتفصيل.
تابعوا معانا بس الوصفة دي واحدة واحدة ونوعدكم بأذن الله في آخر الوصفة
هتكونوا عرفتوا طريقة عمل الشاورما وكمان بقيتوا اساتذة في عمل الشاورما سواء كانت
طريقة عمل
شاورما الفراخ أو طريقة عمل شاورما اللحمة، ودلوقتي يلا بينا نشوف
المكونات اللي هنستخدمها واحنا بنعمل كل نوع من الشاورما وكمان نشوف هنعمل الخطوات
ازاي👇👇.
مكونات ومقادير شاورما الفراخ:
- نصف كيلو صدور فراخ.
- معلقتين زيت كبار.
- معلقة خل كبيرة.
- نصف ليمونة.
- كباية زبادي.
- بصلة متوسطة.
- قطع قليلة فلفل الوان (أي نوع فلفل ميكونش حار)
بهارات وتوابل شاورما الفراخ:
- معلقة صغيرة كاملة ملح.
- نصف معلقة صغيرة فلفل اسمر.
- ربع معلقة صغيرة كزبرة ناشفة.
- معلقة صغيرة كاملة بصل بودرة.
- معلقة صغيرة كاملة ثوم بودرة.
- نصف معلقة زنجبيل.
- ربع معلقة صغيرة قرنفل مطحون.
- نصف معلقة صغيرة بابريكا.
- معلقة كبيرة قرفة.
- نصف معلقة صغيرة كركم.
ملحوظة مهمة: في طريقة عمل شاورما الفراخ ممكن نستغنى عن أي حاجة من البهارات والتوابل دي او نقلل فيها او نزود فيها حسب الرغبة، الا حاجتين مهمين بس وهم القرفة والزبادي مينفعش نستغنا عنهم ابدا في طريقة عمل شاورما الفراخ.
خطوات طريقة عمل شاورما الفراخ:
1.
اول حاجة في طريقة عمل
شاورما الفراخ، هي اننا نقطع الفراخ قطع صغيرة على شكل صوابع.
2.
بعد كده هنجيب بولة او
تاي وعاء نقدر نتبل فيه الفراخ ويستوعب حجم المكونات كلها.
3.
في الأول هنحط كل
البهارات والتوابل اللي جهزناها في الوعاء، بهارات شاورما الفراخ اللي هي معلقة
صغيرة كاملة ملح، نصف معلقة صغيرة فلفل اسمر، ربع معلقة صغيرة كزبرة ناشفة، معلقة
صغيرة كاملة بصل بودرة، معلقة صغيرة كاملة ثوم بودرة، نصف معلقة زنجبيل، ربع معلقة
صغيرة قرنفل مطحون، نصف معلقة صغيرة بابريكا، معلقة كبيرة قرفة، ونصف معلقة صغيرة
كركم.
4.
بعد كده هنبدأ نضيف
عليهم معلقة الخل الكبيرة، وهنعصر عليهم كمان نصف الليمونة، وكمان هنضيف معلقتين الزيت
الكبار، وفيالآخر هنضيف كباية الزبادي.
5.
بعد ما حطينا كل
المكونات والبهارات والتوابل مع بعضهم في الوعاء، دلوقتي هنقلبهم كويس جدا مع بعض
بالمعلقة لحاد ما يختلطوا كويس جدا ببعض، وبكده تكون تتبيلة شاورما الفراخ جاهزة
معانا.
6.
بعد ما عملنا التتبيلة،
هنبدأ نضيف عليها قطع صدور الفراخ اللي قطعناها وكمان هنقلبهم كويس جدا مع بعضهم
بأدينا او بالمعلقة، عشان تتبيلة الشاورما توصل وتدخل في كل قطع الفراخ.
7.
بعد ما نقلب كل قطع
الفراخ في التتبيلة، نغطي الفراخ باي كيس نضيف ونسيبها في التلاجة لمدة متقلش عن 4
ساعات طبعا عشان قطع الفراخ تتبل كويس جدا وتتشرب الطعم والنكهة من تتبيلة
الشاورما، وعلى فكرة كل ما طالت مدة الفراخ
في التتبيلة كل ما كان طعمها أجمل.
تسوية شاورما الفراخ على النار:
8.
قبل ما نحط الشاورما على
النار هنجيب بصلة متوسطة الحجم وأي نوع فلفل ميكونش حار ونقطعهم صوابع بردوا،
ونسيبهم دلوقتي على جنب.
9.
دلوقتي بعد ما سيبنا
الفراخ تتبل فترة متقلش عن 4 ساعات، هنجيب طاسة ونحطها على نار متوسطة، ونضيف فيها
معلقة زيت كبيرة وكمان معلقة زبدة كبيرة، ونسيبهم على النار لحاد ما يسخنوا.
10.
اول ما الزبدة والزيت
يسخنوا كويس، هنعلي النار شوية وننزل عليهم بكل كمية الشاورما اللي تبلناها، ونسيبها
لمدة دقيقتين على النار عشان الشاورما تاخد الصدمة بتاعتها.
11.
بعد كده هنهدي النار،
ونضيف قطع البصل على الشاورما ونبدأ نقلبهم كويس جدا مع بعض على النار لمدة 3
دقائق، بعد كده هنسيبهم شوية على النار لحاد ما الشاورما تتشرب كل التتبيلة.
12.
بعد كده هنضيف قطع الفلفل
اللي جهزناها، وهنقلب الشاورما شوية مع الفلفل بحيث ان الفلفل ياخد بس تشويحة
صغيرة، وبعد كده نطفي عليها.
وبكده نكون جهزنا شاورما الفراخ، طبعًا واحدة من أطعم اكلات سريعة ممكن
نجهزها في البيت بكل سهولة وبطعم أحلي من المحلات كمان، ودلوقتي هنوضحلكم طريقة
عمل شاورما اللحمة بكل سهولة بردوا وبأذن الله هتعجبكم، يلا بينا نشوف المكونات
وكمان خطوات طريقة عمل شاورما اللحمة 👇👇.
مكونات ومقادير شاورما اللحمة:
- نصف كيلو لحمة.
- معلقة كبيرة خل.
- معلقتين كبار زيت.
- قطع قليلة فلفل الوان (أي نوع فلفل ميكونش حار).
- بصلة متوسطة الحجم.
- نصف معلقة صغيرة من السُمَّاء (السُمَّاق).
بهارات وتوابل شاورما اللحمة:
- معلقة صغيرة ملح.
- معلقة صغيرة فلفل اسود.
- معلقة صغيرة بصل بودرة.
- نصف معلقة صغيرة قرفة.
- نصف معلقة صغيرة ثوم بودرة.
- نصف معلقة صغيرة كزبرة ناشفة.
- نصف معلقة صغيرة زنجبيل.
- نصف معلقة صغيرة قرنفل مطحون.
- نصف معلقة صغيرة حبهان مطحون.
- نصف معلقة صغيرة كمون.
- رشة سكر صغيرة خالص.
خطوات طريقة عمل شاورما اللحمة:
خطوات طريقة عمل شامورما اللحمة قريبة جدا من خطوات طريقة عمل شاورما
الفراخ هما الاتنين اكلات سريعة وسهلة ومش بيحتاجوا مجهود ابدًا.
1.
اول حاجة هنقطع الحمة
صوابع صغيرة ورفيعة وبعد كده هنحطها في بولة او وعاء غويط ونضيف عليها كل البهارات
والتوابل اللي جهزناها، اللي هي معلقة صغيرة ملح، معلقة صغيرة فلفل اسود، معلقة
صغيرة بصل بودرة، نصف معلقة صغيرة قرفة، نصف معلقة صغيرة ثوم بودرة، نصف معلقة
صغيرة كزبرة ناشفة، نصف معلقة صغيرة زنجبيل، نصف معلقة صغيرة قرنفل مطحون، نصف
معلقة صغيرة حبهان مطحون، نصف معلقة صغيرة كمون، ورشة سكر صغيرة خالص.
2.
بعد ما اضفنا كل
البهارات والتوابل هنضيف كمان معلقتين زيت كبار وكمان معلقة خل كبيرة ونبدأ نقلب
كل المكونات دي مع اللحمة كويس جدا بأدينا او بالمعلقة المهم كل المكحونات تختلط
ببعضها كويس جدا وكمان كل قطع اللحمة تندهن بالتوابل عشان اللحمة تتشرب كويس جدا
من التتبيلة.
3.
بعد كده نسيب الشاورما
في التتبيلة ونغطيها بأي غطاء او كيس نظيف ونسيبها في التلاجة مدة متقلش عن 4
ساعات كاملين عشان شاورما اللحمة تتبل كويس جدا، وطبعا زي ما قولنا في طريقة عمل
شاورما الفراخ كلما زادة فترة اللحمة في التتبيلة كلما كان طعم ونكهة وريحة شاورما
اللحمة أجمل وأطعم بكتير.
تسوية شاورما اللحمة:
4.
بعد ما سبنا شاورما
اللحمة تتبل براحتها لمدة متقلش عن 4 ساعات، قبل ما نطلعها من التلاجة هنجيب أي
نوع فلفل ميكونش حار وبصلة متوسطة الحجم ونقطعهم صوابع صغيرة ورفيعة ونحط عليهم
نصف معلقة السُمَّاء
(السُمَّاق) الصغيرة، ونقلبهم مع بعض بالمعلقة، ونسيبهم مع بعض على
جنب لحاد ما نسوي اللحمة.
5.
نجيب طاسة ونحطها على
نار عالية ونحط فيها 4 معالق زيت، وأول ما الزيت يسخن كويس جدا نبدأ ننزل فيه قطع
شاورما اللحمة المتتبلة.
6.
هنحاول اننا نخلي قطع
اللحمة جنب بعضها في الطاسة عشان كلها تستوي كويس جدا مع بعض، وأول ما نلاقي
اللحمة شدت شوية هنبدأ نقلبها كويس جدا مع بعضها، ويا ريت منقلبهاش قبل ما تشد.
7.
بعد ما نحس ان شاورما
اللحمة استوت كويس هنبدأ نجمعها كلها على جنب الطاسة ونفضي الجنب التاني عشان ننزل
فيه البصل.
8.
هننزل البصل في نص
الطاسة الفاضي ونشوحه شوبة على النار بحيث يكون مقرمش وبعد كده هنقلبه كويس جدا مع
قطع شاورما اللحمة.
9.
قبل ما نقفل النار على
شاورما اللحمة، هنضيف عليهم قطع الفلفل ونقلبهم كويس مع بعض شوية على النار وبعد
كده نطفي النار، وبكده تكون شاورما اللحمة جاهزة.
وبكده نكون وضحنا لكم طريقة عمل شاورما اللحمة وكمان طريقة عمل شاورما
الفراخ، طبعا ممكن نقدم الشاورما مع عيش البرجر او عيش كريب
الشاورما، هنعجبكم جدا، ولو عاوزين اكلات سريعة واكلات جديدة
هتلاقوها على موقعنا أطعم اكلات، وبأذن
الله هتعجبكم جدا، وكمان هتلاقوا في موقعنا اكلات سريعة قريبة من طريقة الشاورما
زي فاهيتا
الفراخ أو الكبدة
الاسكندراني.
نتمنى ان طريقة عمل شاورما اللحمة والفراخ تكون عجبتكم، ويا ريت تقولوا لنا
على رأيكم في التعليقات ولو في عندكم أي اسألة او استفسارات او ملاحظات سيبوهالنا
تحت في التعليقات 👇👇، أو
ابعتوهالنا في الرسائل على صفحاتنا في الفيس بوك ومواقع التواصل الاجتماعي، ولو في
عندكم أي اكلة عاوزين تعرفوا طريقتها، متترددوش أبدًا وسيبولنا اسمها في التعليقات
او في الرسايل واحنا هنرد عليكم في أسرع وقت، جربوا طريقة الشاورما بتاعتنا بألف
هنا وشفا ودمتم في صحة 💪💪.
اكلات جديدة ممكن تعجبك