حصريًا طريقة عمل العجة التركية بالبيض | اكلات سريعة 100%
عشان كل الناس بتطلب
مننا اكلات سريعة وسهلة جبنا لكم المرادي طريقة عمل العجة 🍳🍳، بس دي باه
عجة بالطريقة التركية، واحدة من أجمل اكلات سريعة ممكن تجربوها، والجميل جدا في
طريقة عمل العجة دي انها اقتصادية جدا وسهلة وكمان كل مكوناتها متوفرة في البيت.
ولان طريقة عمل العجة
سهلة جدا وسريعة وكمان الاكلة نفسها خفيفة فاحنا نقدر نعمل الاكلة دي بسرعة على
وجبة الفطار او الغدا وكمان ممكن نعملها في العشا لأنها بتكون خفيفة جدا وسعراتها
الحرارية كمان قليلة، يعني ممكن أي حد عامل دايت او ماشي على نظام غذائي معين
يعتمد عليها في وجباته اليومية لأنها اكلة خفيفة وكمان مليانة عناصر غذائية مفيدة
زي الفيتامينات والبروتين وكمان الاكلة دي الكوليسترول فيها قلقل جدا، يلا بينا
نشوف مكونات وخطوات طريقة عمل العجة بتاعتنا.
مكونات عجة البيض التركية:
·
4 بيضات.
·
حباية واحدة فلفل رومي.
·
3 حبات طماطم صغيرين.
·
ثلث كباية زيت زيتون.
·
معلقة صغيرة ملح.
·
معلقة صغيرة كمون.
·
ثلث كوب ماء.
خطوات طريقة عمل العجة التركية:
1.
اول حاجة نعملها في عجة
البيض التركية، نبدأ نقطع الطماطم والفلفل لقطع صغيرة بحجم قطع السلطة.
2.
بعد كده نجيب طاسة واسعة
ونحطها على نار هادية ونحط فيها ثلث كباية الزيت وبعد ما الزيت يسخن شوية نحط فيه
كل كمية الطماطم والفلفل اللي قطعناها، وكمان نضيف عليهم ثلث كوب الماء.
3.
بعد كده نفضل تنقلب كويس
جدا في الخليط ده على النار لمدة متقلش عن 10 دقائق لحاد ما يمتزج كل الخليط ببعضه
ويتحول لصلصة.
4.
بعد ما الخلطة يتحول قوامها
لقوام الصلصة نبدأ نضيف عليها البيض بس من غير ما نقلبه ولا حتى نحرك الطاسة، كل
اللي هنعمله اننا نفضي البيض علي الخلطة فقط.
5.
بعد كده نضيف عليهم
معلقة الملح الصغيرة وكمان نضيف معلقة الكمون الصغيرة ونغطي الطاسة ونهدي النار
شوية لحاد ما البيض يستوي، وبكده تكون عجة البيض التركية خلصت.
بعد ما عرفنا الخطوات
والمكونات بكده نكون اتعلمنا واحدة من أفضل وأطعم اكلات سريعة ممكن نعملها في
البيت بكل سهولة وكمان بمكونات سهلة وبسيطة، وممكن أي حد يعملها، وكمان ممكن
تشوفوا اكلات سريعة تانية على موقعنا طعمها جميل جدا وسهلة جدا زي اكلة القرنبيط المقلي المقرمش، هتعجبكم جدا.
وطبعا لو في عندكم أي
استفسارات او أي حاجة مش واضحة ممكن تسيبوها لنا تحت في التعليقات واحنا هنرد على
كل استفساراتكم في أسرع وقت ممكن وطبعا لو في عندكم أي اكلة عوزين تعرفوا طريقتها
سيبولنا اسمها تحت في التعليقات واحنا هنوضحهالكم بأذن الله في مقالة جديدة، نتمنى
انكم تجربوا طريقة عمل العجة التركية بتاعتنا، ان شاء الله تعجبكم بألف هنا وشفا،
ودمتم في صحة💪💪.
اكلات ممكن تعجبك:
- طريقة عمل الفراخ الصينى.
- طريقة عمل فراخ ستربس.
- طريقة عمل الكنافة النابلسية.
- طريقة عمل العجة التركية.
- طريقة عمل البان كيك | البان كيك الأصلي.
- اصابع البطاطس الهندية المقلية المقرمشة.
وتقدري بردو تشتري أفضل أدوات المطبخ اللي هتساعدك وتوفر ليكي كتير وكمان بأسعار ممتازة من هنا