طريقة عمل صدور الفراخ بالطريقة الصينية | اكلات جديدة
الكانتون، اكلة صدور الفراخ على الطريقة الصينية واحدة من أجمل اكلات جديدة ممكن تجربوها في حياتكم، ولان الفراخ بالطريقة الصينية اكلة جميلة جدا وطعمها يجنن قررنا نوضح لكم النهاردة طريقة الكانتون أو طريقة عمل صدور الفراخ بالطريقة الصينية، اكلة جميلة وجديدة هتعجب كل افراد الاسرة، كفاية اننا هنجرب الفراخ بطعم جديد.
الحلو فيطريقة عمل صدور الفراخ بالطريقة الصينية غير انها تعتبر من أجمل اكلات جديدة هتدوقها، هي كمان اكلة صحية جدا وخفيفة طبعا عشان مليانة خضراوات وكمان مفيش فيها دهون كتير عشان كده تعتبر اكلة صحية جدا وغنية بالبروتينات وكمان المعادن والفيتامينات، يلا بينا دلوقتي نشوف المكونات والمقادير وكمان خطوات طريقة عمل صدور الفراخ بالطريقة الصينية.
مكونات الفراخ على الطريقة الصينية:
مقادير تتبيله الفراخ الصيني:
- نصف كيلو صدور فراخ مخلية.
- 5 معالق دقيق كبيرة.
- معلقة صغيرة ملح.
- معلقة صغيرة فلف اسود.
- معلقة صغيرة زنجبيل.
- معلقة صغيرة كاري.
- معلقة صغيرة كركم.
- معلقة صغيرة بصل بودرة.
- معلقة صغيرة ثوم بودرة.
- معلقة صغيرة بابريكا.
مقادير دقيق القلي:
- 3 معالق دقيق كبار.
- نصف معلقة بكينج باودر صغيرة.
- معلقة صغيرة ملح.
- معلقة صغيرة فلفل اسمر.
- نصف معلقة صغيرة بابريكا.
مقادير كانتون الفراخ الصيني:
- كباية الا ربع ماء.
- ملعقة نشا كبيرة.
- نصف كباية صويا صوص.
- معلقة سكر صغيرة.
- معلقة خل كبيرة.
- فصين ثوم.
- معلقين كاتشب كبار.
- كمية خضار (حسب الرغبة). احنا
هنستخدم:
ü حباية
جزر.
ü حباية
فلفل اخضر.
ü حباية
فلفل احمر.
ü حباية
فلفل اصفر.
ü حباية
كوسه.
ü بصلة
متوسطة.
ü
حباية طماطم.
ملحوظة: بالنسبة لكمية الخضار ممكن نستخدم أنواع الخضار المتوفرة في البيت حسب ما نحب، لكن طبعا الفلفل والطماطم والبصل حاجة أساسية.
خطوات عمل الفراخ بالطريقة الصينية:
الفراخ على الطريقة الصينية بتحتاج
خطوات كتيرة عشان تطلع مظبوطة وكمان طعمها حلو وعشان كده احنا هنبسط لكم طريقة عمل
الفراخ الصيني وهنقسم كل خطواتها على 3 مراحل بس.
أولا: خطوات عمل تتبيلة الفراخ الصيني:
- اول حاجة هنجيب صدور الفراخ ونبدأ ننضفها ونغسلها كويس وبعد كده نقطعها مكعبات صغيرة.
- بعد كده هنجيب طبق غويط شوية ونحط فيه 5 معالق دقيق كبار ونضيف عليه كمان كل بهارات التتبيلة اللي جهزناها وهي معلقة صغيرة ملح، معلقة صغيرة فلف اسود، معلقة صغيرة زنجبيل، معلقة صغيرة كاري، معلقة صغيرة كركم، معلقة صغيرة بصل بودرة، معلقة صغيرة ثوم بودرة، ومعلقة صغيرة بابريكا.
- هنقلب كل البهارات مع الدقيق كويس جدا وبعد كده هنبدأ ننزل عليهم بكباية مش كبيرة اوي، ونقلب كويس جدا، وطبعا لو احتاجت مية هنضيف لحاد ما قوام العجينة يكون مشابه لقوام (العسل)، يعني مش خفيف اوي ومش تقيل اوي.
- بعد كده هنضيف كل قطع الفراخ في العجينة او التتبيلة ونقلبهم كويس جدا في بعض، هنسيب الفراخ في التتبيلة لمدة متقلش عن نصف ساعة
ثانيا: خطوات قلي الفراخ
- بعد ما سيبنا الفراخ في التتبيلة لمدة نص ساعة هنبدأ دلوقتي نغلفها بطبقة من الدقيق وبعد كده نقليها.
- في الأول هنضيف البهارات على الدقيق ونقلبهم على بعص كويس جدا عشان نعطي لطبقة الدقيق طعم ونكهة كويسة، البهارات هي (نصف معلقة بكينج باودر صغيرة، معلقة صغيرة ملح، معلقة صغيرة فلفل اسمر، نصف معلقة صغيرة بابريكا).
- بعد كده هنبدأ ناخد قطع الفراخ ونحطها في الدقيق ونغطيها كويس جدا بالدقيق ونحط قطع الفراخ الجاهزة في طبق خارجي.
- بعد كده هنحط طاسة غويطة على النار ونحط فيها كمية مناسبة من الزيت، ونسيب الزيت يسخن شوية على النار.
- اول مالزيت يسخن كويس على النار هنبدأ ننزل فيه قطع الفراخ المتغطية بالدقيق ونسيبهم في الزيت على نار هادية لحاد ما يتقلوا كويس جدا في الدقيق من كل الجوانب، وبعد كده نطلعهم
ثالثا: خطوات تجهيز كانتون الفراخ الصيني
- دلوقتي هنبدأ نجهز خلطة الفراخ بالطريقة الصينية، هنجيب الأول طاسة ونحطها على نار هادية شوية ونحط فيها معلقتين زيت كبار ونسيب الزيت يسخن شوية.
- بعد كده هنقطع كل الخضراوات اللي هنستخدمها وأول ما الزيت يسخن هننزل فيه كل قطع الخضراوات، ونحط عليهم كمان رشة فلفل اسود، ونبدأ نقلب كل الخضار مع بعضه في الزيت ونشوحه نص تشويحة (يعني منسويش الخضار جامد).
- بعد ما الخضار يتشوح هننزل عليه قطع الفراخ المقلية، وكمان هنضبدأ نضيف عليه كل المكونات.
- في الاول هنحط معلقة النشا على كباية الا برع مية ونضيفهم على الخضار والفراخ في الطاسة، وكمان هنضيف عليهم نصف كباية صويا صوص.
- هنضيف كمان معلقة سكر صغيرة، وكان فصين ثوم مهروسين وكمان معلقة الخل الكبيرة ومعرقتين الكاتشب الكبار.
- هنقلب كل المكونات اللي ضيفتاها دي كويس جدا مع بعضها، ولو احتاجت شوية مية ممكن نضيفلها نصف كباية مية عادي، وبعد كده نغطيها ونسيبها على نار هادية لمدة 5 : 10 دقايق، وبععد كده نطفي عليها النار.
وبكده نكون وضحنا لكم طريقة عمل صدور الفراخ بالطريقة الصينية، ونتمنا طبعا انكم تجربوها وبأذن الله هتعجبكم جدا،طبعا مفيش اكلات جديدة احسن من كده ولو عجبتكم يا ريت تقولولنا رأيكم في التعليقات، طبعا الفراخ على الطريقة الصينية ممكن يتقدم جمبها شوية رز وكمان ممكن تتاكل بالعيش، بس أهم حاجة انها هتعجب أي حد هياكلها، وممكن بردو تجربو الفراخ على الطريقة الصينية بالكاجو طعمها جميل جدا.
بنفكركم تاني طبعا لو في عندكم أي اكلات جديدة عاوزين تعرفوا طريقتها ابعتولنا اسمها بس او سيبولنا اسمها تحت في التعليقات واحنا هنرد عليكم في أسرع وقت وكمان لو في اندكم أي ملاحظات او أي استفسارات متترددوش أبدا وسيبوهالنا تحت في التعليقات واحنا هنرد عليكم في أسرع وقت، جربوا الفراخ على الطريقة الصينية، هتعجبكم جدا بألف هنا وشفا، ودمتم في صحة 💪💪.
اكلات جديدة ممكن تعجبك
اكلات جديدة ممكن تعجبك