جربي طريقة البيتزا دي ومش هتندمي
للأسف طريقة البيتزا
بتكون صعبة على ناس كتير بالذات عجينة البيتزا، عشان كده قررنا نوضح لكم طريقة عمل
البيتزا في المقالة دي، وبإذن الله في المقالات الجاية هنجيب لكم طرق اكلات جديدة
كتير هتعجبكم جدا وهتعجب كل اللي هيدوقها، في المقالة دي هنوضح لكم طريقة البيتزا
بكل تفاصيلها من اول عجينة البيتزا لحاد صلصة البيتزا وكل المكونات اللي هنستخدمها.
لو ركزتي معانا في
طريقة عمل البيتزا بتاعتنا مش هتحتاجي ابدا أنك تشتري البيتزا من برة، لان طريقة
البيتزا بتاعتنا هتوضحلك كل تفاصيل عمل بيتزا المحلات وكمان هنوضحلك فيها طريقة
عمل عجينة البيتزا الصح بكل تفاصيلها، وكمان هنوضح ازاي بنخلى عجينة البيتزا هشة
وطرية وهنعرف كمان مقدار الجبنة اللي هنستخدمها عشان نعمل بيتزا زي بتاعة المحلات
بالظبط، يلا بينا نشوف كل المكونات والمقادير اللي هنستخدمها في طريقة البيتزا.
أولا: صلصة البيتزا:
هنقسم كل مكونات ومقادير البيتزا عشان منتلغبطش، في
الازل هنحضر مكونات صلصة البيتزا، وبعد كده هنعمل العجينة
مكونات صلصة البيتزا.
·
كيلو طماطم.
·
بصلاية كبيرة.
·
3 فصوص ثوم.
·
ربع كباية مية دافية.
بهارات صلصة البيتزا:
·
معلقة صغيرة ثوم بودرة.
·
معلقة صغيرة بصل بودرة.
·
معلقة صغيرة ملح.
·
معلقة صغيرة زعتر.
·
معلقة صغيرة بابريكا.
·
نصف معلقة صغيرة فلفل
اسود.
·
3 معالق زيت
كبيرة.
خطوات عمل صلصة البيتزا:
1.
عشان نظبط الصلصة، هنبدأ
ننظف الطماطم والبصل والثوم كويس جدا، وبعد كده هنقطع البصل والطماطم قطع صغيرة.
2. نحط البصل والطماطم
والثوم في حلة غويطة ونحط عليهم ربع كباية المية، هنغطي الحلة ونسيبهم لمدة ربع ساعة
على نار متوسطة.
3. بعد ما الطماطم والبصل
يستووا كويس، هنسيبهم شوية لحاد ما يبردوا وبعد نضربهم في الخلاط كويس لحاد ما
يتحولوا لصلصة ناعمة.
4. بعد ما عملنا صلصة
البيتزا هنبدأ نحط عليها البهارات بتاعتها، اللي هي معلقة صغيرة ثوم بودرة، معلقة صغيرة بصل بودرة، معلقة
صغيرة ملح، معلقة صغيرة زعتر، معلقة صغيرة بابريكا، نصف معلقة صغيرة فلفل اسود، و3
معالق زيت كبيرة، وطبعا هنقلبهم كويس مع بعض، وبكده تكون صلصة
البيتزا جاهزة.
تانيا: عجينة البيتزا
مكونات ومقادير عجينة البيتزا:
·
كيلو دقيق ابيض.
·
معلقتين سكر كبار.
·
معلقة صغيرة ملح.
·
معلقتين كبار خميرة
فورية.
·
معلقتين كبار لبن بودر (يفضل ماركة
مضمونة).
·
بيضة كاملة.
·
معلقتين خل.
·
ربع كباية زيت.
·
كمية مناسبة من المية
عشان العجن.
طريقة عمل عجينة البيتزا:
1.
اول حاجة هنجيب بولة
كبيرة او حلة كبيرة وهنحط فيها كيلو الدقيق، وبعد كده هنضيف عليه كل المكونات
الجافة اللي معانا اللي هي (معلقتين سكر كبار، معلقة صغيرة ملح، معلقتين كبار خميرة فورية، معلقتين كبار لبن
بودر)، ونقلبهم كويس جدا مع بعض في الدقيق بالمعلقة.
2.
بعد كده هنضيف ربع كباية
الزيت على الدقيق ونقلبهم مع بعض كويس بأدينا او بالمعلقة لحاد ما الدقيق يتحول لكتل
صغيرة.
3.
اول ما الدقيق يتحول
لكتل صغيرة هنبدأ نضيف عليه البيضة ونستمر في التقليب.
4.
بعد كده هنبدأ نضيف
المية شوية صغيرين بشوية صغيرين واحنا بنعجن لحاد ما نلاقي العجينة بدأت تلم في بعضها
كويس، في اللحظة دي معدناش هنحط مية، وهنضيف على العدينة معلقتين خل، وهنستمر في العجين
كويس جدا لحاد ما العجينة تاخد معانا الشكل ده 👇👇، وبكده تكون عجينة البيتزا جاهزة معانا.
5.
هنجيب طبق كبير وغويط
وهندهنه بشوية زيت، وهنحط فيه عجينة البيتزا عشان تخمر، بعد كده هنغطيها بفوطة
نضيفة او أي كيس نظيف ونسيبها شوية عشان تخمر، (لو بتعملي البيتزا في الصيف
هتسيبيها تخمر لمدة نص ساعة، انما لو بتعمليها في الشتا هتسيبيها لمدة ساعة.
ثالثا: حشو البيتزا
مكونات حشو البيتزا:
·
قطع فلفل.
·
قطع طماطم.
·
حلقات زيتون مخلي.
طريقة البيتزا (الحشو والتسوية):
ملحوظة مهمة: كمية الدقيق اللي استخدمناها في العجين (كيلو دقيق)، هتعملنا 4 قطع بيتزا من الحجم الكبير، يعني لو احنا عاوزين نعمل بيتزا بالحجم الكبير نقسم كمية العجين 4 قطع متساوية.
1.
بعد ما عجينة البيتزا تخمر،
هنقسم كمية العجين 4 قطه متساوية، بعد كده هنبدأ نفرد كل قطعة عجين لواحدها بأدينا
او بالنشابة، وياريت نركز كويس واحنا بنفرد العجين ونحط تحته رشة دقيق عشان ميلزقش
وكمان نحاول نخلي عجينة البيتزا مدورة ومنخليهاش رقيقة اوي او تخينة اوي تخلي سمكها
متوسط.
2.
هنجيب الصواني او
الصيجان اللي هتدخل الفرن ونبدأ نحط فيها قطع العجين اللي فردناها ونسيبها لمدة 5
دقايق عشان تخمر.
دلوقتي هنبدأ نحط الحشو على العجينة
3.
هنجيب شوكة ونعمل بيها
ثقوب صغيرة في العجينة المرودة بالشكل ده 👇👇.
4.
بعد كده هنجيب الصلصة
ونحط على كل واحدة 4 معالق صلصة كبار ونوزع الصلصة كويس جدا على العجينة، ونحاول منكترش
الصلصة عشان البيتزا متبقاش معجنة.
5.
بعد كده هنبدأ نحط قطع
الفلفل وكمان قطع الطماطم وقطع الزيتون ونوزعهم كويس على العجينة.
6.
واحنا شغالين على
البيتزا نكون مشغلين الفرن على اعلى درجة وسايبينه عشان يسخن، بعد كده هنخلي نار
الفرن متوسطة وهندخل البيتز الفرن من تحت ونسيبها شوية لحاد ما تاخد لون احمر من
تحت وكمان الصلصة تنشف من فوق، وبعد كده نطلعها.
7.
بعد كده ههنبدأ نحط على
وش البيتزا كمية مناسبة من الجبنة المبشورة (وطبعا هنستخدم النوع اللي نفضله)، وندخل
البيتزا الفرن تاني بس من فوق عشان الجبنة تسيح، وبكده نكون خلصنا طريقة البيتزا
بتاعتنا.
طبعا هنكرر كل الخطوات دي مع كل كمية عجينة البيتزا اللي
عندنا، نتمنا تكون طريقة عمل البيتزا بتاعتنا عجبتكم، وططبعا لو في عندكم أي استفسارات
او أي ملاحظات يا ريت تسيبوهالنا تحت في التعليقات وااحنا هنرد عليكم بأذن الله في
أقرب وقت، ولو في عندكم أي اكلات جديدة عاوزين تعرفوا طريقتها متترددوش ابدأ
واكتبولنا اسمها في التعليقات واحنا هنجهزلكم الطريقة بتاعتها ونبعتهالكم باذن
الله.
تابعو موقع اطعم اكلات هتلاقوا عليه اجمل اكلات جديدة،
مش بس البيتزا، كمان هتلاقوا عندنا اكلات من كل انحاء العالم زي البرياني الهندي وكانتون الفراخ الصيني واكلات جديدة كتير جدا وجميلة، جربوا طريقة البيتزا بتاعتنا هتعجبكم
جدا، بالف هنا وشفا ودمتم في صحة 💪💪.
اكلات جديدة ممكن تعجبك
اكلات جديدة ممكن تعجبك