طريقة عمل البرياني الهندي بالدجاج في البيت بكل سهولة
برياني الدجاج الهندي من أجمل الاكلات اللي ممكن تدوقوها
في حياتكم، اكلة البرياني واحدة من الاكلات المشهورة جدا في قارة آسيا وفي بلاد
كتير مشتهرة بيها زي ايران وباكستان ودول جنوب شرق آسيا، لكن الدولة المشتهرة جدا
بالبرياني وتعتبر هي الأساس في عمل الاكلة دي هي الهند.
بصراحة الهنود بيعملوا
برياني الدجاج ورز البرياني بطعم ملوش حل وده طبعا لانهم بيستخدمو البهارات
الهندية المشهورة علي مستوي العالم كله والمعروفة بتأثيرها الكبير علي طعم الاكل،
المميز في اكلة البرياني الهندي مش بس طعمها الجميل جدا وريحتها الفظيعة اللي
بتخلي أي حد يجوع اول ما يشمها 😅😅.
برياني الدجاج بتتميز بردو بشكلها الجميل اللي يفتح
النفس ويخلي أي سفرة شكلها حلو جدا، مش بس كده اكلة البرياني الهندي غنية جدة
بالعناصر الغذائية وده طبعا بسبب الخضراوات المختلفة والبهارات والتوابل الكتير
جدا اللي مداخلة في الاكلة دي، ده غير ان الاكلة في الأساس عبارة عن رز وفراخ يعني
الاكلة بتكون غنية بالكربوهيدرات والبروتين والفيتامينات المتعددة، يلا بينا نتعرف
على بهارات البرياني ومكوناته وطريقة عمل البرياني اللي هنوضحهالكم في خطوات سهلة
جدا جدا.
مكونات وبهارات دجاج البرياني الهندي:
2 كيلو فراخ.
مكونات تتبيلة دجاج البرياني:
مكونات تتبيلة دجاج البرياني:
·
نصف كوباية كذبره خضرة
متقطعة ومفرومة ناعمة.
·
معلقتين ونص جنزبيل.
·
كوباية زبادي كبيرة.
·
قرن فلفل حار.
·
قرن فلفل بارد.
·
راس توم كبيرة.
·
لمونتين معصورين.
·
ربع كوباية زيت.
·
بهارات تتبيلة دجاج
البرياني:
- معلقة كركم كبيرة.
- معلقة كبيرة بابريكا.
- معلقة كاري صغيرة.
- معلقة كبيرة جراماسالا (بهارات هندية من عند العطار).
- معلقة كبيرة ملح.
مكونات تحضير دجاج البرياني على النار
v بصلتين متقطعين شرائح رفيعة.
v طماطميتين متقطعين شرائح رفيعة جدا.
v معلقتين كبار صلصة طماطم جاهزة (معجون الطماطم)
v معلقتين كبار سمنة.
v معلقة كركم كبيرة.
3 أوراق
لورى.
v معلقة كبيرة كزبرة.
v معلقة كبيرة قرفة.
v حبايتين ينسون نجمي.
v معلقة قرنفل كبيرة.
v معلقة حبهان صغيرة.
v معلقة كمون كبيرة.
مكونات وبهارات رز البرياني الهندي:
3 كوبايات رز بسمتي كبار
مغسول كويس ومنقوع في مية.
v
بهارات رز البرياني:
·
معلقة قرفة كبيرة.
·
حبة ينسون نجمي.
·
معلقة فلفل اسود صغيرة.
·
معلقة كمون صغيرة.
·
نص معلقة حبهان صغيرة.
·
3 ورقات
لورى.
طريقة عمل البرياني
الهندي:
بعد ما عرفنا مكونات وبهارات اكلة البرياني الهندي، دلوقتي هنعرف طريقة عمل
البرياني الهندي بخطوات سهلة وبسيطة، بس لازم نخلي بالنا ان اكلة زي البرياني
الهندي تعتبر اكلة كبيرة ومكوناتها كتير جدا واكيد احنا لاحظنا ده من المكونات
اللي قولناها فوق 👆👆، لكن بالرغم من كده اكلة البرياني الهندي خطواتها سهلة جدا
وتحضيرها مش هيتعبنا خالص بالعكس مش هتاخد وقت ولا مجهود هي بس محتاجة شوية تركيز
في الخطوات اللي هنقول عليها تحت دي👇👇.
خطوات تتبيل دجاج البرياني:
1.اول حاجة هنعملها هي تتبيلة فراخ البرياني ودي خطوة سهلة جدا، كل اللي هنعمله اننا هنحط الثوم وقرنين الفلفل وربع كوباية الزيت والليمونتين المعصورين مع بعض في المفرمة او الكابة او الخلاط ونفرمهم مع بعض كويس جدا جدا.
2.بعد كده هنقطع الفراخ قطع كبيرة ونشيل جلدها ولازم طبعا تكون متنضفة ومغسولة كويس، وبعد كده هنحط الفراخ في اناء غويط ونبدأ نجرح قطع الفراخ بالسكينة بحيث قطع الفراخ تمتص التتبيلة بنسبة أكبر.
3.بعد كده هنحط تتبيلة فراخ البرياني اللي عملناها على الفراخ ونضيف عليها الكزبرة الخضرة والزبادي والبهارات اللي محضرينها، ونبدأ نقلب التتبيلة والبهارات والفراخ وكل المكونات دي مع بعضها بحيث تتوزع التتبيلة كويس جدا على قطع الدجاج.
4.بعد ما خلطنا كل المكونات والتوابل والفراخ مع بعضهم كويس جدا هنسيهم في التلاجة لمدة متقلش عن ساعة، عشان الفراخ تلحق تتبل كويس.
خطوات تحضير دجاج البرياني على النار:
بعد ما تبلنا الفراخ كويس وسيبناها تاخد تتبيلتها في التلاجة، هنبدأ دلوقتي
نسويها على النار.
1.في الأول هنجيب طاسة كبيرة شوية ونحطها على نار عالية ونحط فيها معلقتين زيت كبار ونسيب الزيت لحاد ما يسخن، وبعد كده هنضيف على الزيت معلقة كبيرة سمنة او زبدة.
2.بعد ما السمنة والزيت يسخنوا هنبدأ نضيف معلقة الكركم الكبيرة ومعلقة الكزبرة الكبيرة و3 ورقات اللورى.
3.بعد كده هنضيف معلقة كبيرة قرفة وحبايتين ينسون نجمي ومعلقة قرنفل كبيرة ومعلقة حبهان صغيرة ومعلقة كمون كبيرة، ونقلب كل المكونات دي مع بعضها شوية في الزيت لمدة دقيقية.
4.بعد كده هنضيف البصل المتطع حلقات ناعمة، ونقلبه عالنار شوية لحاد ما يدبل وريحته تطلع شوية، بعد كده هنضيف شرايح الطماطم الرفيعة وهنضيف بردو معلقتين الصلصة الجاهزة ونقلب الخليط ده مع بعصه باستمرار لحاد ما يخطلطو ببعض كويس جدا.
5.بعد كده هنجيب الفراخ وننزلها في خلطة الصلصة اللي عملناها دي قطعة قطعة بالراحة عشان الطاسة متفقدش خرارتها، ونخلي بالنا لازم ننزل الفراخ بالتتبيلة ولو اتبقي شوية تتبيلة في الاناء ننزلهم في الطاسة بردو.
6.بعد كده هنقلبهم كويس جدا عشان الفراخ والتتبيلة والصلصة يخطلطو ببعض، بعد كده هنهدي النار شوية ونخليها متوسطة وهنغطيها ونسيبها شوية لحاد ما الفراخ تستوي بس نصف سوا.
1.في الأول هنجيب طاسة كبيرة شوية ونحطها على نار عالية ونحط فيها معلقتين زيت كبار ونسيب الزيت لحاد ما يسخن، وبعد كده هنضيف على الزيت معلقة كبيرة سمنة او زبدة.
2.بعد ما السمنة والزيت يسخنوا هنبدأ نضيف معلقة الكركم الكبيرة ومعلقة الكزبرة الكبيرة و3 ورقات اللورى.
3.بعد كده هنضيف معلقة كبيرة قرفة وحبايتين ينسون نجمي ومعلقة قرنفل كبيرة ومعلقة حبهان صغيرة ومعلقة كمون كبيرة، ونقلب كل المكونات دي مع بعضها شوية في الزيت لمدة دقيقية.
4.بعد كده هنضيف البصل المتطع حلقات ناعمة، ونقلبه عالنار شوية لحاد ما يدبل وريحته تطلع شوية، بعد كده هنضيف شرايح الطماطم الرفيعة وهنضيف بردو معلقتين الصلصة الجاهزة ونقلب الخليط ده مع بعصه باستمرار لحاد ما يخطلطو ببعض كويس جدا.
5.بعد كده هنجيب الفراخ وننزلها في خلطة الصلصة اللي عملناها دي قطعة قطعة بالراحة عشان الطاسة متفقدش خرارتها، ونخلي بالنا لازم ننزل الفراخ بالتتبيلة ولو اتبقي شوية تتبيلة في الاناء ننزلهم في الطاسة بردو.
6.بعد كده هنقلبهم كويس جدا عشان الفراخ والتتبيلة والصلصة يخطلطو ببعض، بعد كده هنهدي النار شوية ونخليها متوسطة وهنغطيها ونسيبها شوية لحاد ما الفراخ تستوي بس نصف سوا.
طريقة تحضير رز البرياني الهندي:
هنسيب الفراخ على النار لحاد ما تستوي ودلوقتي هنحضر رز البرياني الهندي:
1.اول حاجة هنعملها هنجيب حلة ونحطها على النار ونحط فيها معلقة زيت كبيرة، بعد كده ننزل بهارات الرز اللي قولنا عليها فوق👆👆 كلها اللي هي (معلقة قرفة كبيرة + حبة ينسون نجمي + معلقة فلفل اسود صغيرة + معلقة كمون صغيرة + نص معلقة حبهان صغيرة + 3 ورقات لورى) ونقلبهم في الزيت لمدة دقيقة.
2.بعد كده هنضيف شوية مية في الحلة ونقلب المية والبهارات كويس، وبعد كده هننزل الرز في المية عشان يتسلق، ونخلي بالنا لازم كمية المية تبقي اعلي من الرز بشوية عشان مش هنسلقة بالكامل، احنا بس هنسلقة نص سلقة كده.
3.بعد 13 دقيقة كده هنبص على الرز هنلاحظ انه اتسلق شوية بس مش بالكامل، وفي اللحظة دي هنطلع الرز من المية، وياريت نصفيه كويس من المية بالمصفة.
1.اول حاجة هنعملها هنجيب حلة ونحطها على النار ونحط فيها معلقة زيت كبيرة، بعد كده ننزل بهارات الرز اللي قولنا عليها فوق👆👆 كلها اللي هي (معلقة قرفة كبيرة + حبة ينسون نجمي + معلقة فلفل اسود صغيرة + معلقة كمون صغيرة + نص معلقة حبهان صغيرة + 3 ورقات لورى) ونقلبهم في الزيت لمدة دقيقة.
2.بعد كده هنضيف شوية مية في الحلة ونقلب المية والبهارات كويس، وبعد كده هننزل الرز في المية عشان يتسلق، ونخلي بالنا لازم كمية المية تبقي اعلي من الرز بشوية عشان مش هنسلقة بالكامل، احنا بس هنسلقة نص سلقة كده.
3.بعد 13 دقيقة كده هنبص على الرز هنلاحظ انه اتسلق شوية بس مش بالكامل، وفي اللحظة دي هنطلع الرز من المية، وياريت نصفيه كويس من المية بالمصفة.
خطوات تحضير طاجن البرياني:
بعد ما طلعنا الرز وسوينا الفراخ نص سوا، دلوقتي باه هنيجي
للخطوة الأخيرة:
1.هنجيب طاجن فخار او صنية فرن غويطة ونحط فيها قطع الفراخ اول حاجة، وهنلاحظ ان الصلصة بتاعة الفراخ هيتبقي منها نسبة كبيرة في الطاسة (دي متترميش طبعا هنستخدمها).
2.بعد كده هنضيف طبقة رز على الفراخ ونوزعها كويس جدا في الطاجن فوق الفراخ ويفضل تكون طبقة متوسطة او سميكة.
3.وبعدين هنجيب صلصة الفراخ اللي متبقية معانا في الصنية وهنحط منها طبقة على الرز في الطاجن وهنحط عليها معلقة سمنة بس هنوزعها فوق الصلصة.
4.بعد ما وزعنا معلقة السمنة هنضيف تاني طبقة من ارز ونوزعها كويس بردو، ونحط عليها بردو معلقة سمنة ونوزعها كويس على الرز.
5.بعد كده هنجيب طبقة ورق الومنيوم حراري ونقفل بيها الطاجن او الصينية كويس بحيث ميدخلش أي هوا جوة الطاجن وهو في الفرن، وممكن نثبت طبقة الورق الحراري باي غظاء فخاري او معدني تقيل.
6.بعد كده هندخل الطاجن في الفرن ونسيبة لمدة 25:30 دقيقة يعني تقريبا نص ساعة على درجة حرارة متوسطة وهنشغل الفرن من تحت بس.
1.هنجيب طاجن فخار او صنية فرن غويطة ونحط فيها قطع الفراخ اول حاجة، وهنلاحظ ان الصلصة بتاعة الفراخ هيتبقي منها نسبة كبيرة في الطاسة (دي متترميش طبعا هنستخدمها).
2.بعد كده هنضيف طبقة رز على الفراخ ونوزعها كويس جدا في الطاجن فوق الفراخ ويفضل تكون طبقة متوسطة او سميكة.
3.وبعدين هنجيب صلصة الفراخ اللي متبقية معانا في الصنية وهنحط منها طبقة على الرز في الطاجن وهنحط عليها معلقة سمنة بس هنوزعها فوق الصلصة.
4.بعد ما وزعنا معلقة السمنة هنضيف تاني طبقة من ارز ونوزعها كويس بردو، ونحط عليها بردو معلقة سمنة ونوزعها كويس على الرز.
5.بعد كده هنجيب طبقة ورق الومنيوم حراري ونقفل بيها الطاجن او الصينية كويس بحيث ميدخلش أي هوا جوة الطاجن وهو في الفرن، وممكن نثبت طبقة الورق الحراري باي غظاء فخاري او معدني تقيل.
6.بعد كده هندخل الطاجن في الفرن ونسيبة لمدة 25:30 دقيقة يعني تقريبا نص ساعة على درجة حرارة متوسطة وهنشغل الفرن من تحت بس.
بعد ما طاجن البرياني الهندي ياخد وقته في الفرن هنطلعه ونقلبه وبكده يكون البرياني الهندي جاهز للتقديم وبألف هنا وشفا، يا ريت تجربو الاكلة دي هتعجبكم جدا جدا وهتعجب اولادكم،وياريت بردو تتعرفو علي اكلة الفراخ الصينية، ومتنسوش لو في أي استفسارات عندكم او أي حاجة مش واضحة سيبوهالنا تحت في التعليقات 👇👇، ولو في عندكم أي اكلة محتاجين تعرفوا طريقة عملها متترددوش وسيبولنا بس اسمها في التعليقات واحنا هنشرحهالكم بالتفصيل في مقالة جديدة، شكرا لاهتمامكم ودمتم في صحة 💪💪.
اكلات ممكن تعجبك:
- طريقة عمل الفراخ الصينى.
- طريقةعمل فراخ ستربس.
- طريقة عمل الكنافة النابلسية.
- طريقة عمل العجة التركية.
- طريقة عمل البان كيك | البان كيك الأصلي.
- اصابع البطاطس الهندية المقلية المقرمشة.
وتقدري بردو تشتري أفضل أدوات المطبخ اللي هتساعدك وتوفر ليكي كتير وكمان بأسعار ممتازة من هنا