طريقة عمل البان كيك الأصلي | بان كيك مضمون 100%
جبنالكم طريقة عمل البان كيك الاصلية 🥞🥞، احلي وأجمل وجبة فطار، البان كيك وجبة خفيفة جدا وكمان طعمها جميل
اوي وكل مكوناتها صحية للأطفال والكبار، عشان كده هنوضحلكم طريقة البان كيك
بالتفصيل في المقالة دي، وعشان نعمل بان كيك كويس وطعمه جميل ومظبوط لازم ناخد بالنا
كويس جدا من مكونات البان كيك ونحضرها كلها وكمان ناخد بالنا من خطوات طريقة عمل
البان كيك كلها.
بان كيك 🥞🥞 في الأصل اكلة امريكاني شعبية، كل
الشعب الأمريكي بيحبها وبيفضلها على الفطار لان البان كيك خفيفة جدا وطعمها كمان
جميل اوي، وكمان بيتاكل جمبها ثمار فواكه صغيرة زي الفراولة او التوت، وكمان غير
كده ممكن نحط عليها شوية صوصات حلوة، وفي ناس بتفضل انها تاكل البان كيك
وعليها شوية شوكولاتة او عليها عسل ابيض، بصراحة بتكون جميلة جدا بالعسل الأبيض،
ودلوقتي خلونا نروح نشوف مكونات ومقادير البان كيك 🥞 وكمان خطوات طريقة عمل البان كيك 👇👇.
مكونات ومقادير بان كيك:
- كباية لبن.
- كباية دقيق ابيض.
- 4 معالق سكر بودرة.
- بيضتين كاملين.
- معلقة كبيرة بيكينج باودر او كيس (ظرف) بيكينج باودر كامل.
- معلقة صغيرة فانيليا.
- معلقتين كبار زيت نباتي.
خطوات طريقة عمل البان كيك:
زي ما وضحنا قبل كده في وصفة طريقة عمل
الكيكة الاسفنجية ووصفة طريقة عمل كيكة
الشوكولاتة، ضروري ضروري ضروري اننا نضيف الفانيليا علي البيض مباشرة اول
ما نحط البيض في الطبق ونقلبهم مع بعض، عشان البيض ميعملش ريحة او أي طعم مش ظريف
في الاكلة كلها ويبوظ طعم البان كيك.
1.
هنجيب بولة او طبق كبير غويط وهنحط فيه الأربع
معالق من سكر البودرة، بعد كده هنضيف عليهم كباية اللبن ونبدأ نقلبهم مع بعض لاد
ما السكر يذوب في اللبن.
2.
بعد ما دوبنا السكر في اللبن هنضيف عليهم البيض
مع الفانيليا ونقلبهم كويس بالمعلقة او بالمضرب عشان يختلطوا ببعض كويس.
3.
واحنا بنقلب هنبدأ نضيف الدقيق شوية بشوية بس
لازم نستمر في التقليب كويس جدا واحنا بنضيف الدقيق، وكمان لازم نضيف كمية الدقيق
بالراحة شوية صغيرين بشوية صغيرين عشان العجينة متكلكعش.
4.
واحنا بنقلب هنضيف معلقة كبيرة بيكينج باودر على
العجينة ونفضل نقلب كويس جدا لحاد ما يبقى قوام العجينة خفيف وناعم، وأول ما قوام
العجينة يظبط معانا وينعم هنضيف على العجينة معلقتين زيت نباتي ونستمر في التقليب
لمدة دقيقتين، وبكده تكون عجينة البانكيك جاهزة معانا.
5. بعد ما
جهزنا عجينة البان كيك هنبدأ نسويها على النار، هنجيب طاسة وندهنها بمعلقة زيت
ونحطها على نار هادية، ونبدأ ننزل فيها البان كيك بالمقدار اللي احنا عاوزينه
والحجم اللي احنا عاوزينه، ويفضل ان حجم شريحة البان كيك ميكونش كبير، ولازم ناخد
بالنا واحنا بنسوي البان كيك على النار عشان متتحرقش مننا وكمان نسويها على الوشين
كويس.
وبكده نكون خلصنا طريقة عمل البان كيك، نتمنا
انكم تجربوا طريقة عمل البان كيك بتاعتنا هتعجبكم جدا، ومش هتاخد وقت خالص، ممكن
نقدم البان كيك لضيوفنا بس هنضيف عليها شوشة صوصات شوية مربا او شوية شوكولاتة او شوية
عسل ابيض وكمان ممكن نزينها بشوية قطع فواكه هتكون أجمل بكتير، ولان كل مكونات
البان كيك موجودة في البيت على طول ومش هتكلفكم أي حاجة خالص، اظن كده مفيش طريقة
وجبة فطار أسهل من طريقة البان كيك.
نتمنا ان طريقة عمل البانكيك بتاعتنا تكون عجبتكم
ولو في عندكم أي استفسارات او أي حاجة مش واضحة سيبولنا كل ملاحظاتكم واستفساراتكم
تحت في التعليقات واحنا هنرد عليكم في أسرع وقت ولو في عندكم أي اكلات عاوزين
تعرفوا طريقتها اكتبولنا اسمها بس في التعليقات او ابعتوهالنا في رسالة واحنا
هنحضرهاكم في أسرع وقت، جربوا البان كيك بالف هنا وشفا، ودمتم في صحة 💪💪.
اكلات ممكن تعجبك:
- اسرار طريقة عمل الكيكة بالشوكولاته.
- طريقة عمل المكرونة بالبشاميل.
- اهم اسرار طريقة الكنافة النابلسية بالتفصيل.
- طريقة عمل اكلة المانتي التركي | اكلات تركية.
- طريقة عمل كريب شاورما الفراخ بكل سهولة.
- طريقة عمل اجنحة الدجاج.
وتقدري بردو تشتري أفضل أدوات المطبخ اللي هتساعدك وتوفر ليكي كتير وكمان بأسعار ممتازة من هنا