طريقة عمل أجنحة الدجاج على الطريقة المكسيكية
أجنحة الدجاج على الطريقة المكسيكية 💝.. اكلة ولا في الاحلام تشيكن وينجز المكسيك، انتو اللي هتجربوا
وتحكموا بنفسكو، المعروف أساسا عن المطبخ المكسيكي انه غني بالأكلات المميزة
والطيبة واللى بتعتبر سهلة جداً فالتحضير، وبيعتمد الأكل المكسيكي على أنواع معينة
من التوابل والبهارات المميزة الخاصة به واللي بتعطي للاكلات مهما كانت بسيطة
ومتواضعة طعم جميل جدا وريحة تجنن، والنهارده بأه هنحضر ليكم طبق جديد ولذيذ من
أجنحة الدجاج على الطريقة المكسيكية من موقع أطعم اكلات وان شاء الله هتدوقوا
وهتدعولنا يلا بينا نبدأ 💪
أولا: مقادير أجنحة الدجاج على الطريقة المكسيكية:
- 1 كيلو اجنحة دجاج. (متنضف كويس جدا)
- حبة بصل.
- ملعقة كبيرة أوريغانو. (مجفف)
- ملعقة صغيرة بهارات مشكلة.
- ربع ملعقة صغيرة قرفة (مطحونة).
- معلقتين صغيرين فلفل ابيض (مطحون).
- عودين من بصل اخضر (مفروم).
- ربع ملعقة صغيرة جوزة الطيب (مطحونة).
- حبيتين فلفل أخضر حار مفروم ناعم (على حسب الرغبه).
- ملعقتان كبيرتان زيت الزيتون.
- ملعقة صغيرة ملح.
ثانيا: طريقة عمل أجنحة الدجاج على الطريقة المكسيكية:
بعد ما جهزنا كل ادواتنا دلوقتي هنبدأ نحضر اكلة اجنحة الدجاج المكسيكية،
عليفكرةالاكلة دي مش صعبة خالص كل اللي محتاجاه بس شوية تركيز عشان ميحصلش أي غلطة
في البهارات او التتبيلة تاثر على طعم اجنحة الدجاج، عشان كدهخلو بالكو كويس جدا
معانا في الخطوتات اللي جاية دي 👇👇.
1. اول حاجة
هنعملها هنضف اجنحة الفراخ كويس جدا وبعدين هنفرم البصلة في الكابة او المفرمة،
وبعد كده هنحطه مع الأوريغانو والبهارات والقرفة والفلفل الأبيض وجوزة الطيب
والفلفل الحار المفروم والملح والزيت في الخلاط او الكابة لحد ما يتجانسوا كويس
جدا مع بعض وتكون الخلطة ناعمة خالص.
2. بعد كده
هنفضي الخلطة اللي عملناها دي في طبق خارجي وهنضيف عليها البصل الأخضر المفروم،
بعد كده وهنضيف أجنحة الدجاج ونخلطهم ونقلبهم كويس جدا مع بعض عشان التتبيلة تمتزج
كويس جدا مع اجنحة الدجاج.
3. بعد كده هنسيب
الدجاج عشان يتتبل كويس في الثلاجة لمدة 3 ساعات على الأقل.
4. بعد ما ال 3 ساعات يخلصوا واجنحة الدجاج تكون اتبلت كويس جدا هنجيب صينية ونحط فيها اجنحه الدجاج
المتبلة.
5. قبل ما
نحط اجنحة الدجاج في الفرن نسخن الفرن على حرارة 190 درجة، وبعد كده هندخل أجنحة
الدجاج في الفرن لمدة 45 دقيقة.
6. بعد ما
نطلع اجنحة الدجاج هنقدمها سخنة مع الرز أو السلطة.
وبكد تكون
خلصت معانا الاجنحه بالطريقه المكسيكية ونتمنى تجربوها وتعجبكوا ان شاء الله... بأذن
الله اكلة اجنحة الدجاج على الطريقة المكسيكية هتعجب اطفالكم جدا وكمان تقدروا
تعتمدوا على الاكلة دي في تغيير روتين الاكل في البيت، ومتنسوش لو في عندكم أي
استفسارات او لو في أي حاجة مش واضحة يا ريت تكتبوهالنا تحت في التعليقات واكتبوا
لنا بردو في التعليقات اسم أي اكله انتوا عاوزن تعرفو طريقتها واحنا بأذن الله
هنعملهالكم في المقالات اللي جاية، جربو اكلاتنا بالف هنا وشفاودمتم في صحة💪💪.
اكلات ممكن تعجبك:
- طريقة عمل الكيكة بالشوكلاته.
- طريقة عمل الفراخ على الطريقة الصينية.
- طريقة عمل الفراخ ستربس.
- طريقة عمل البوتين الكندي.
- طريقة القرنبيط بالبشاميل بسهولة جدا.
- أسهل طريقة لعمل كريب شاورما فراخ في البيت.