احلي وأسهل طريقة عمل فراخ ستربس في البيت
مين فينا نفسه مش بتروح لاكلة فراخ استربس تكون مقرمشة كده ويا سلام لو كانت مشطشطة باه، بصراحة اكلة
الفراخ المقرمشة دي من اكتر الاكلات اللي كل الناس بتحبها وكانت هي سر نجاج محلات
اكل كتير زي فراخ كنتاكي وهارديز وغيرهم، عشان كده قررنا اننا نعرفكم على طريقه
عمل الفراخ ستربس عشان تعملوها باديكم في البيت بمكونات نضيفة ومضمونة 100%.
ولكل اللي ميعرفش ايه هي فراخ استربس هي ببساطة الفراخ اللي بناكلها في مطاعم كنتاكي او قطع فراخ البانيه الجاهزة اللي بنشتريها من السوبر ماركت زي فراخ كوكي واطياب وغيرهم، وعشان تعملوها كويس في البيت ومتبوظش منكم وتطلع مقرمشة جدا وطعمها جميل، تابعو معانا الخطوات والمكونات اللي هنقول عليها تحت دي👇👇.
ولكل اللي ميعرفش ايه هي فراخ استربس هي ببساطة الفراخ اللي بناكلها في مطاعم كنتاكي او قطع فراخ البانيه الجاهزة اللي بنشتريها من السوبر ماركت زي فراخ كوكي واطياب وغيرهم، وعشان تعملوها كويس في البيت ومتبوظش منكم وتطلع مقرمشة جدا وطعمها جميل، تابعو معانا الخطوات والمكونات اللي هنقول عليها تحت دي👇👇.
مكونات ومقادير الفراخ الستربس:
1.
فرختين متنضفين كويس جدا.
2.
تتبيلة الفراخ:
·
معلقة صغيرة فلفل اسمر.
·
معلقة بهارات فراخ
صغيرة.
·
معلقة ملح صغيرة.
·
معلقتين صغيرين بصل
بودرة.
·
معلقة ثوم بودرة صغيرة.
·
معلقة كاري صغيرة.
·
معلقة حبهان بودرة
صغيرة.
·
معلقة زعتر صغيرة.
·
معلقة كبيرة كاتشي او
هوت صوص.
·
معلقة صغيرة سكر.
·
معلقة بابريكا صغيرة.
3.
خلطة عجينة قرمشة الفراخ:
·
كوباية كبيرة دقيق ابيض.
·
3 معالق كبار
نشا.
·
معلقة صغيرة بيكينج
باودر.
·
معلقة ملح صغيرة.
·
معلقة ثوم بودرة صغيرة.
·
معلقة بصل بودرة صغيرة.
·
معلقة زعتر صغيرة.
·
معلقة بابريكا صغيرة.
·
معلقة كاري صغيرة.
·
معلقة بهارات فراخ
صغيرة.
·
كوباية مية.
·
معلقة صغيرة فلفل اسمر.
4.
آخر طبقة في قرمشة
الفراخ:
·
كوباية دقيق.
·
نصف كوباية نشا.
خطوات طريقه
عمل الفراخ ستربس:
طريقة عمل الفراخ ستربس بصراحة سهلة جدا وسريعة جدا يعني هنحضرها بكل سهولة
وبسرعة ومش هتاخد معانا وقت خالص، عشان كده يا ريت تركزوا معانا في خطوات طريقه
عمل الفراخ ستربس اللي هنقول عليها دلوقتي👇👇، عشان تطلع معاكم مظبوطة ومقرمشة جدا
زي فراخ كنتاكي بالضبط:
1.
اول حاجة هنعملها هنجيب
الفراخ وننضفها طبعا كويس بالمية والخل، وبعد كده هنجيب الصدور ونقطعها صوابع متوسطة
الحجم ونخليها كلها من العضم، بعد كده هنجيب الوراك ونقسمها جزئين جزء الدبوسة وجزئ
القطها التانية ولو عرفنا نشيل منها العضم يبقي كويس.
2.
بعد كده هنجيب السكينة وعمل
بيها اخرام صغيرة في الفراخ ببوز السكينة عشان تشرب التتبيلة كويس، ويفضل طبعا
اننا نشيل الجلد، ونصفي الفراخ خالص من المية.
3.
بعد كده هنجيب مكونات
تتبيلة الفراخ اللي ذكرناها في الأول دي اللي هي رقم (2) معلقة صغيرة فلفل اسمر ومعلقة
بهارات فراخ صغيرة ومعلقة ملح صغيرة ومعلقتين صغيرين بصل بودرة ومعلقة ثوم بودرة
صغيرة ومعلقة كاري صغيرة ومعلقة حبهان بودرة صغيرة ومعلقة زعتر صغيرة ومعلقة كبيرة
كاتشب او هوت صوص ومعلقة صغيرة سكر ومعلقة بابريكا صغيرة، وهنحطها كلها عليها
ونبدأ نقلب كل المكونات دي كويس جدا مع الفراخ عشان عشان التتبيلة تتوزع كويس جدا
مع الفراخ، وبعد كده هنسيبها في التلاجة لمدة متقلش عن نص ساعة.
4.
بعد كده هنبدأ نجهز خلطة
عجينة قرمشة الفراخ اللي هي رقم (3) كوباية كبيرة دقيق ابيض و3 معالق كبار نشا ومعلقة صغيرة بيكينج باودر ومعلقة
ملح صغيرة ومعلقة ثوم بودرة صغيرة ومعلقة بصل بودرة صغيرة ومعلقة زعتر صغيرة ومعلقة
بابريكا صغيرة ومعلقة كاري صغيرة ومعلقة بهارات فراخ صغيرة ومعلقة صغيرة فلفل اسمر، وهنحطهم
مع بعض في طبق غويط كبير او بولة ونقلبهم مع بعض كويس وبعد كده ننزل عليهم بكوباية
المية شوية بشوية، ونفضل نقلب فيهم كويس جدا لحاد ما يبقي عندنا عجينة قوامها خفيف
شوية وميكونش مكلكع خالص، بالظبط زي قوام عجينة عيش كريب الشاورما
اللي عملناه قبل كده.
5.
بعد كده هنحضر آخر طبقة
في قرمشة الفراخ اللي عي عبارة عن كوباية دقيق ابيض ونصف كوباية نشا وهنقلبهم مع
بعض كويس.
6.
دلوقتي باه هنبدأ نجهز
الفراخ، كل اللي هنعمله اننا هنجيب الفراخ وناخد كل قطعة ونحطها في العجينة ونغرقها
فيها كويس، بعد كده نطلعها من العجينة نحطها في خلطة الدقيق والنشا ونحاول نخلي كل
القطعة متغرقة كويس جدا في العجينة وخلطة الدقيق والنشا.
7.
هنكرر طبعا الخطوة اللي
فاتت دي مع كل قطع الفراخ، وبعدها نحط القطع في طبق خارجي ونحطهم في التلاجة لمدة
ساعة عشان الخلطة العجينة والدقيق يمسكو فبعض وفي الفراخ كويس، لحاد ما نيجي
نقليها في الزيت.
8. بعد ما
سيبنا الفراخ في التلاجة لمدة ساعة هنلاقيها بقت ماسكة نفسها شوية ودلوقتي نقدر نقليها
في الزيت، كل اللي هنعمله هنجيب الطاسة وهنحط فيها زيت ونحطها على النار شوية على
درجة حرارة متوسطة، وبعد ما الزيت يسخن نبدأ ننزل قطع الفراخ فيه واحدة واحدة
بالراحة ونرصهم كويس جمب بعض.
9.
هنسيب الفراخ تستوي براحتها
في الزيت وبعد ما تاخد اللون الذهبي هنبدأ نقلبها عشان تستوي كويس في الزيت
عالوشين وبعد كده نطلعها ونرصها في طبق التقديم.
بعد ما جهزنا ستربس الدجاج ممكن تتقدم مع المكرونة او الرز او العيش وممكن
نعملها كريب وممكن نعملها سندويتشات عادية، ويا سلام باه لو عملنا جمبها أي مقبلات
زي التومية او صوابع بطاطس بوتن
او شوية كاتشب او مستردة، بصراحة اكلة جميلة جدا يا ريت تجربوها لانها هتغير روتين
اكلكم وهتعطي للسفرة رونق مختلف.
نتما انكو تجربو طريقة عمل فراخ ستربس بتاعتنا وتعجبكم ، ولو في أي حاجة مش واضحة او في عندكم أي استفسارات او أي ملاحظات يا ريت تسيبوهالنا تحت في التعليقات ولو في عندكم أي اكلات جديدة عاوزين تعرفو طريقتها متترددوش ابدا انكم تسيبولنا اسمها تحت في التعليقات واحنا بأذن الله هنجهزهالكم ونقدمهالكم في مقالات جديدة، جربو الفراخ المقرمشة ستربس بألف هنا وشفا ودمتم في صحة💪💪.
نتما انكو تجربو طريقة عمل فراخ ستربس بتاعتنا وتعجبكم ، ولو في أي حاجة مش واضحة او في عندكم أي استفسارات او أي ملاحظات يا ريت تسيبوهالنا تحت في التعليقات ولو في عندكم أي اكلات جديدة عاوزين تعرفو طريقتها متترددوش ابدا انكم تسيبولنا اسمها تحت في التعليقات واحنا بأذن الله هنجهزهالكم ونقدمهالكم في مقالات جديدة، جربو الفراخ المقرمشة ستربس بألف هنا وشفا ودمتم في صحة💪💪.
اكلات ممكن تعجبك:
وتقدري بردو تشتري أفضل أدوات المطبخ اللي هتساعدك وتوفر ليكي كتير وكمان بأسعار ممتازة من هنا