طريقة عمل التندوري الهندي وصفة ولا اروع
النها رده هنتعلم مع بعض طريقة عمل التندوري الهندي، وصفة جديدة هتعجب الكل وبردوا هتكون
تغيير للأطفال والكبار لان التندوري الهندي اكلة غريبة جدا عن المجتمع المصري، وتندوري الدجاج
وصفه هندي مشهورة في الهند زي البرياني الهندي بالضبط وكمان ليها شهرة كبيرة في كتير من
البلاد الاسياوية وناس كتير بيحبوها وبيطلبوا مننا طريقة عملها، عشان كده هنبدأ مع
بعض خطوه بخطوه وهنتعلم مع بعض طريقة عمل التندوري الهندي وان شاء الله تعجبكوا.
مقادير ومكونات التندوري الهندي:
- لبن رايب: كوبان ونصف.
- ملح: معلقتين صغيرين.
- فلفل أسود: ملعقة صغيرة.
- القرنفل: نصف ملعقة صغيرة (مطحون).
- الزنجبيل: ملعقتان صغيرتان (مفروم).
- الثوم: 3 فصوص (مهروس).
- ببريكا: ملعقتان صغيرتان.
- الكمون: ملعقتان صغيرتان (مطحون).
- القرفة: ملعقة صغيرة (مطحونة).
- الكزبرة: ملعقة صغيرة (مجففة ومطحونة).
- الدجاج: دجاجتان (كل دجاجة مقطعة 8 قطع).
- زيت الزيتون: ملعقتان كبيرتان.
خطوات طريقة عمل التندوري الهندي:
قبل ما نبدأ في خطوات
طريقة عمل التندوري الهندي لازم
نعرف ان أي اكلة من الاكلات الهندي اهم حاجة فيها هي البهارات والتوابل، لان بهارات التندوري الهندي هي اللي هتعطيله الطعم الجميل وهي اللي هتميزه عن أي اكلة تانية.
1. او ل حاجة هنجيب وعاء ونضيف فيه
اللبن الرايب والملح والفلفل والقرنفل المطحون والزنجبيل ونخلطهم مع بعض كويس جدا.
2. بعد كده هنجيب وعاء تاني وهنضيف فيه
الثوم والبابريكا والكمون والقرفة والكزبرة ونخلطهم كويس جدا مع بعض، وبعد
كده هنضيف عليهم خلطة اللبن الرايب والملح والفلفل والقرنفل المطحون والزنجبيل ونبدأ
نخلط الخلتطين مع بعض كويس جدا لحاد ما يمتزجوا ببعض.
3. بعد كده هنجيب الدجاج ونقطعه
ونغسله كويس جدا وبعدين ننشف الدجاج كويس جدا من المايه بمناديل المطبخ، ونقطع
الدجاج كويس جدا ونضيف عليه الخليط (اللبن والتوابل) ونقلبه كويس حدا لحد ما
الدجاج يتغطي بالتتبيلة.
4. هنغطي الوعاء اللي فيه الدجاج
بالتتبيله ونسيبه ليله كامله ف التلاجة يبقا أحسن عشان الدجاج يشرب التتبيله كويس،
ولو مستعجلين ممكن نسيبها 8 ساعات بس ف التلاجة.
5. بعد ما نتبل الدجاج كويس هنسخن
الفرن علي درجه حرارة متوسطة ونسيب الفرن يسخن شوية قبل ما الدجاج يدخل الفرن ع
الشواية.
6. هنخرج الدجاج من الوعاء ف الصينيه
اللي هتدخل الفرن ونبدأ ننشف الدجاج من التتبيله بمناديل المطبخ وندهنها بالزيت.
7. هندخل الصينيه اللي فيها الدجاج
للفرن لمده 40 دقيقة مع التقليب لحد ما تستوي وتتحمر، وكده تكون جهزت معانا وصفة التندوري الهندي وجاهزة للتقديم.
هنقدم تندوري الدجاج الهندي ساخن مع
ارز او خضار في أي عزومة، وبأذن الله هترفع راسك كده نكون الوصفه خلصت معانا،
وامميز في اكلة التندوري الهندي انها اكلة سهلة وبسيطة لكل ست بيت نتمنا تعجبكم
جربوها وان شاء الله هتكون جميلة وتعجب الكبار والأطفال وكل اللي يدقها، امشوا مع
الخطوات خطوه بخطوه وهتعجبكوا.
لو عاوزين تعرفوا وصفة او طريقه عمل اى اكله قولولنا
على اسمها في التعليقات وان شاء الله هنعملكوا كل جديد، ولو في عندكم أي استفسارات
او أي حاجة مش واضحة في طريقة عمل تندوري الدجاج الهندي، سيبولنا كل استفساراتكم
تحت في التعليقات، الف هنا وشفا و دمتم في صحه 💪💪.
اكلات ممكن تعجبك:
- اسرار طريقة عمل الكيكة بالشوكولاته.
- طريقة عمل المكرونة بالبشاميل.
- اهم اسرار طريقة الكنافة النابلسية بالتفصيل.
- طريقة عمل اكلة المانتي التركي | اكلات تركية.
- طريقة عمل كريب شاورما الفراخ بكل سهولة.
- طريقة عمل اجنحة الدجاج.