طريقة عمل الكنافة النابلسية بالجبنة في 30 دقيقة فقط
جبنا لكم المرة دي طريقة عمل الكنافة النابلسية،
اللي هنعملها بالجبنة العكاوي والجبنة الموتزاريلا، طبعا في ناس كتير ممكن تستغرب
وتقولنا ازاي ممكن نعمل كنافة بالجبنة، انا بأه في موقع أطعم اكلات بنقولكم
متستغربوش خالص، بس شوفوا وصفة طريقة عمل الكنافة النابلسية بتاعتنا وجربوها وباذن
الله هتعجبكم جدا جدا وهتحبوها.
وزي ما عودناكم على اننا دايما بنقدم لكم أطعم
الاكلات وكمان بنقدملكم اكلات سريعة واكلات جديدة، قررنا في المقالة دي نوضحلكم
طريقة عمل الكنافة النابلسية بوصفة سهلة جدا وسريعة وان شاء الله تعجبكم،
وتعتمندوا عليها في كل المناسبات والاحتفالات في البيت، ومن غير كلام كتير يلا
بينا نشوف المكونات اللي هنستخدمها واحنا بنوضحلكم طريقة عمل الكنافة النابلسية.
مكونات ومقادير الكنافة النابلسية:
·
نصف كيلو كنافة.
·
ربع كيلو جبنة موتزاريلا.
·
ربع كيلو جبنة عكاوي.
·
ربع كوباية سكر بودرة.
·
نصف ملعقة صغيرة بودرة زعفران (او أي لون برتقالي
مخصص للكنافة).
·
كباية كبيرة زبدة او سمنة بلدي.
مكونات شربات الكنافة النابلسية:
·
كباية مية.
·
كباية سكر.
·
نصف ليمونة.
خطوات طريقة عمل الكنافة النابلسية:
1.
اول خطوة لازم نعملها هي اننا نبيت الكنافة في
الفريزر طبعا عشان هنحتاج اننا نقطعها كويس جدا بالسكينة.
2.
تاني حاجة بردوا لازم نبيت الجبنة العكاوي في
المية لمدة متقلش عن 8 ساعات، طبعا عشان ملح الجبنة العكاوي يقل شوية.
3.
بعد كده اول ما نبدأ في عمل الكنافة النابلسيةن
هنطلع الكنافة من الفريزر وهنبدأ نقطعها كويس جدا بالسكينة عشان، وهنلاحظ ان
تقطيعها هيكون سهل عشان هي متجمدة.
4.
بعد كده هنطلع الجبنة العكاوي من المية بعد ما
نقعناها لمدة متقلش عن 8 ساعات، وكمان هنبدأ نقطعها شرايح بالسكينة وكمان ممكن
نبشرها بالمبشرة.
5.
بعد ما قطعنا الكنافة كويس جدا هنبدأ دلوقتي نضيف
عليها نصف كمية السمنة، وكمان هنقلب الكنافة مع السمنة بأدينا كويس جدا بحيث ان
السمنة تختلط بكل كمية الكنافة.
6.
بعد كده هنضيف كل كمية سكر البودرة وكمان نصف
معلقة سكر الزعفران، وبردوه نقلب كل الممكونات دي كويس جدا مع الكنافة بأدينا لحاد
ما يختلطوا ببعضهم كويس جدا جدا.
7. بعد
كده هنجيب الصينية اللي نسوي فيها الكنافة وهندخلها الفرن، وهنحط فيها شوية من
السمنة الباقية، بعد كده هنحط فيها نص كمية الكنافة ونفردها كويس بحيث نكون طبقة
الكنافة الأولى.
ملحوظة مهمة: لازم واحنا بنعمل طبقة الكنافة الأولى نحاول نعلي حواف طبقة الكنافة دي شوية عشان حشو الكنافة (الجبنة) متلزقش في الصينية، وكمان لازم نضغط كويس جدا على طبقة الكنافة دي بأدينا ونساويها عشان تطلع مظبوطة.
8.
بعد كده هنبدأ نضيف طبقة الجبنة العكاوي وبعدها
على طول هنضيف طبقة الجبنة الموتزاريلا عليها، وفي الآخر هنعمل طبقة الكنافة
التانية اللي هنغطي بيها طبقة الجبنة كلها، وطبعا لازم نضغط عليها كويس عشان
انساويها ويكون سطح الكنافة متساوي كويس جدا عشان الكنافة تستوي كويس من كل
الجوانب.
9. بعد
كده هنضيف باقي كمية السمنة أو الزبدة اللي جهزناها على وش الكنافة، وبكده تكون
صينية الكنافة النابلسية جاهزة للتسوية.
طريقة تسوية الكنافة النابلسية:
عشان نسوي الكنافة النابلسية كويس عندنا طريقتين
لتسوية الكنافة النابلسية الأولى بتكون في الفرن والتانية بتكون على البوتاجاز.
طريقة تسوية الكنافة النابلسية في الفرن:
1.
اول حاجة هنولع الفرن من تحت ونحط فيه صينية
الكنافة شوية في الفرن من تحت بردو.
2. اول ما
نلاقي جوانب صينية الكنافة احمرت من الجوانب هنقفل الفرن من تحت ونولعه من فوق،
وكمان هنحط صينية الكنفة في الفرن من فوق لحاد ما لون وشها يتفير ويحمر.
طريقة تسوية الكنافة النابلسية على البوتاجاز:
الطريقة دي سهلة جدا بردو، كل اللي هنعمله اننا
هنحط صينية الكنافة على عين البوتاجاز عشان تستوي من تحت وأول ما جوانب الكنافة
تحمر هنقلب الكنافة على وشها في صينية تانية ونسيبها على النار شوية بردوا عشان
تستوي من الناحية اللي لسة مستوتش منها.
بعد ما نسوي الكنافة هنطبعها ونحط عليها الشربات ولازم يكون الشربات بارد وسمكة متوسط يعني مش تقيل اوي ومش خفيف اوي.
طريقة عمل شربات الكنافة النابلسية:
طريقة الشربات مفيش أسهل منها، كل اللي هنعمله
اننا هنجيب حلة صغيرة خالص وهنحط فيها كباية مية كبيرة، ونضيف على المية كباية سكر،
ونعصر عليهم نصف ليمونة، ونحطهم على النار ونفضل نقلب السكر مع المية عشان السكر
يذوب في المية، ونسيب السكر والمية يغلوا مع بعض على النار لمدة 5 دقايق بس وبكده
يكون جاهز، بعد كده نشيله من على النار ونسيبه عشان يبرد.
ملحوظة مهمة: بعد ما نجهز صينية الكنافة النابلسية ممكن نزينها بشوية صوص شوكولاتة او شوية صوص كراميل او أي صوصات تعجبكم هتبقى جميلة جدا.
وبكده نكون وضحنا لكم كل تفاصيل طريقة عمل الكنافة النابلسية، متنسوش بأه تجربوها وتكتبولنا
رأيكم في العليقات، وطبعا لو في عندكم أي استفسارات او أي ملاحظات متترددوش ابدًا
وسيبوهالنا تحت في التعليقات واحنا بأذن الله هنرد عليكم في أسرع وقت، وكمان لو في
عندكم أي اكلات جديدة عاوزين تعرفوا طريقتها سيبولنا بس اسمها تحت في التعليقات واحنا هنعملهالكم بأذن الله في مقالة جديدة لواحدها.
ان شاء الله تجربوا طريقة عمل الكنافة النابلسية
بتاعتنا وتعجبكم وكمان تعجب ضيوفكم، وزي ما عودناكم بأذن الله هنعملكم اكلات جديدة
واكلات سريعة هتشرفكم وهتاكلوا صوابعكم وراها، وزي ما عملنا لكم طريقة عمل الكنافة
النابلسية وطريقة عمل الكيكة الاسفنجية وكمان طرق اكلات جديدة كتيرة وجميلة
بأذن الله هنعملكم اكلات وحلويات جديدة هتعجبكم جدا، بألف هنا وشفا، ودمتم في صحة.
اكلات سريعة ممكن تعجبك:
- اسرار طريقة عمل الكيكة بالشوكولاته.
- طريقة عمل المكرونة بالبشاميل.
- اهم اسرار طريقة الكنافة النابلسية بالتفصيل.
- طريقة عمل اكلة المانتي التركي | اكلات تركية.
- طريقة عمل كريب شاورما الفراخ بكل سهولة.
- طريقة عمل اجنحة الدجاج.