طريقة عمل الكيكة الاسفنجية بارتفاع عالي وطعم يجنن | اكلات جديدة

طريقة عمل الكيكة الاسفنجية بارتفاع عالي وطعم يجنن | اكلات جديدة

طريقة عمل الكيكة الاسفنجية بارتفاع كبير زي الكيكة الاسفنجية بتاعت المحلات هنوضحها لكم بالتفصيل، وكمان هنعملكم اكلات جديدة جميلة جدا، في ناس كتير بتعتبر طريقة عمل الكيكة الاسفنجية سر من اسرار الحلويات، لكن بأذن الله مفيش سر ابدًا بالعكس هنعرفكم على طريقة عمل الكيكة الاسفنجية في البيت بالتفصيل وكمان هنستخدم مكونات سهلة وبسيطة وكلها موجودة في البيت على طول.

الكيكة الاسفنجية تعتبر واحدة من أجمل اكلات جديدة ممكن نتعلمها ونعملها لكل حبايبنا في البيت، وطبعا نقدر نوعدكم بأنكم لو جربتم طريقة عمل الكيكة الاسفنجية بتاعتنا هتطلع معكم الكيكة الاسفنجية مظبوطة 100%، وكمان هتشرفكم جدا لو جربتوا تعملوها في أي مناسبة او عزومة في البيت، وكمان تقدروا تزوقوها زي ما أنتم عاوزين بالفاكهة والشوكولاتة والصوصات والكريمة، هتبقى واحدة من أجمل اكلات جديدة هتشرفك وترفع راسك.

مكونات الكيكة الاسفنجية:

• كباية ونصف سكر بودرة.
• 8 بيضات.
• معلقة كبيرة بكينج باودر.
• معلفة كبيرة فانيليا.
• لمونة.
• ثلث كباية مية.
• ورق زبدة.

طريقة عمل الكيكة الاسفنجية:

قبل ما نبدأ في طريقة عمل الكيكة الاسفنجية لازم نعرف ان الكيكة عشان تاخد قوامها الاسفنجي لازم يدخل فيها وفي العجينة بتاعتها كمية هواء كبيرة، وعشان يحصل كده هنستخدم مضرب البيض وهنضرب بيه بياض البيض وصفار البيض مدة كبيرة عشان يدخل في الكيكة هواء كتير.

ملحوظة مهمة: لازم قبل ما نبدأ في عمل الكيكة نشغل الفرن على درجة حرارة 180 (متوسطة) عشان يسخن شوية فبل ما ندخل الكيكة جواه.

1. اول حاجة هنعملها نجيب طبق كبير وغويط ونحط فيه كل كمية الدقيق اللي هي كباية ونص وكمان نضيف على الدقيق معلقة كبيرة بيكينج باودر، ونقلبهم كويس جدا على بعض ونسيبهم على جنب شوية.
2.  بعد كده هنفصل بياض البيض عن الصفار وناخد بالنا كويس جدا واحنا بنعمل الخطوة دي عشان مفيش أي نقطة صفار تقع في البياض، وكمان هنقسم كل كمية السكر الى مقدارين متساويين، المقدار الأول هنستخدمه مع صفار البيض، والمقدار الثاني هنستخدمه مع بياض البيض.
3. نجيب بولة ونحط فيها كل كمية صفار البيض، ونبدأ نضرب صفار البيض بالمضرب كويس جدا لحاد ما قوامه يتقل شوية ولونة يبقى فاتح شوية، بعد كده هنبدأ نضيف الفانيليا والسكر من المقدار الأول شوية بشوية واحنا مستمرين في ضرب صفار البيض، لحاد ما نضيف كل مقدار سكر البدرة ونستمر شوية في التقليب بلمضرب لحاد ما يكون قوام صفار البيض تقيل ولونه فاتح.
4. بعد كده هنبدأ نضيف الدقيق على صفار البيض واحنا بننخله، وطبعا يفضل اننا ننخل الدقيق كويس جدا بالمصفاة واحنا بنضيفه على صفار البيض، ويفضل بردوا اننا نضيف الدقيق شوية بشوية، ومنضيفهوش كله مرة واحدة.
5. هنبدأ نخلط الدقيق بالصفار ونقلبهم مع بعض بالمعلقة، كل ما نضيف شوية دقيق نقلبهم كويس جدا جدا لحاد ما الدقيق يختلط كويس بصفار البيض، ونستمر في الخطوة دي لحاد ما كل كمية الدقيق تخلص وكمان قوام العجينة يتقل جدا ويتحول للشكل ده 👇👇.

6. هنسيب العجينة على جنب شوية ونبدأ نضرب بياض البيض بنفس الطريقة اللي ضربنا بيها صفار البيض، وهنضيف بردو مقدار سكر البودرة الثاني شوية بشوية واحنا مستمرين في الضرب لحاد ما قوام بياض البيض يتقل جدا.

7. بعد ما قوام بياض البيض يتقل ويوصل للقوام المطلوب هنبدأ نضيفه على العجينة اللي جهزناها، ونبدأ نقلبهم من تحت لفوق ونخلطهم ببعض كويس جدا، هنخلط كل الكمية ببعضها.

8. قبل ما ننزل العجينة في الصينية، هنفرش أرضية الصينية وجوانبها كمان بورق الزبدة، عشان الكيكة متلزقش في الصينية، بعد كده هننزل العجينة في الصينية ونفردها كويس وبعد كده هندخلها في نص الفرن لمدة متقلش عن نصف ساعة ونطلعها.

وبكده نكون وضحنالكم طريقة عمل الكيكة الاسفنجية بكل تفاصيلها، بأذن الله تجربوها وتطلع معاكم جميلة ومظبوطة ويا ريت لو عجبتكم تقولولنا على رأيكم في التعليقات، وكمان لو حصل ومظبطتش معاكم عرفونا بردوا عشان نعطيكم كل الارشادات اللي هتخليها تظبط معاكم، وانتظروا مننا بأذن الله اكلات جديدة كتير هنعملهالكم قريب، وكمان اكلات سريعة هتنفعكم في رمضان وفي المواسم.

طبعا لو في عندكم أي استفسارات يا ريت تقولوا لنا عليها ومتترددوش أبدا وسيبوهالنا تحت في التعليقات واحنا هنرد على كل استفساراتكم وملاحظاتكم في أسرع وقت، وطبعا لو في عندكم أي اكلات جديدة عاوزين تعرفوا طريقتها غير طريقة عمل الكيكة الاسفنجية، سيبولنا اسمها تحت في التعليقات واحنا هنعملها لكم قريب جدا في مقالات جديدة.

اكلات جديدة ممكن تعجبك

• طريقة عمل الكنافة النابلسية.
• طريقة عمل البان كيك.
• طريقة عمل العجة التركية.
• طريقة عمل كيكة الشوكولاتة الاسفنجية.
• طريقة عمل اصابع البطاطس الهندية المقلية المقرمشة.