الخلطة السرية لطريقة عمل القرنبيط المقلي الأصلي
طريقة عمل القرنبيط المقلي واحدة من اكتر الوصفات
اللي بتطلب مننا على طول، السبب في كده طبعا بيرجع الى ان في ناس كتير جدا بتحب
القرنبيط وفي ناس كتير بردو بيحبوا القرنبيط لكن مش بيعرفوا طريقة عمل القرنبيط
المقلي الاصلية، عشان كده القرنبيط المقلي بيبوظ منهم ومش بيطلع بالشكل ولا بالطعم
اللي عاوزينه.
ولان
القرنبيط المقلي من اهم الاكلات الشعبية على مستوى مصر والعالم العربي كله، قررنا
اننا نوضحلكم طريقة عمل القرنبيط المقلي الأصلي في المقالة دي، وبأذن الله
هنوضحلكم كل المكونات والمقادير المستخدمة في تحضير القرنبيط المقلي، وكمان
هنشرحلكم خطوات طريقة عمل القرنبيط المقلي بكل تفاصيلها، يلا بينا نحضر مقادير
القرنبيط المقلي 👇👌.
مكونات ومقادير القرنبيط المقلي:
·
قرنبيطة واحدة.
·
ربطة بقدونس.
·
4 بيضات.
·
كباية ماء.
·
كباية دقيق ابيض.
· البهارات:
- معلقة صغيرة ثوم بودرة.
- معلقة كبيرة ملح.
- معلقة صغيرة فلفل اسود.
- معلقة صغيرة كمون.
- نصف معلقة صغيرة كربوناتو.
خطوات طريقة عمل القرنبيط المقلي:
بعدد ما جهزنا كل
المكونات والمقادير والبهارات دلوقتي هنبدأ نوضح طريقة القرنبيط المقلي بكل
تفاصيلها، ولازم نحط في دماغنا ان طريقة القرنبيط المقلي سهلة جدا وبسيطة ومش
هتاخد مننا وقت كتير، كل اللي هنحتاجه بس شوية تركيز في كل خطوة من خطوات طريقة
عمل القرنبيط اللي هنقول عليها دي ولازم نركز في كل التفاصيل.
1.
اول حاجة هنعملها في
طريقة عمل القرنبيط المقلي هي تنضيف القرنبيط، كل اللي هنعمله اننا هنشل رأس
القرنبيطة بالسكينة ونبدأ نقطع قطه القرنبيط من قطعة الجدر الموجودة في منتصف
القرنبيطة باستخدام السكينة، وكمان هنبدأ نشيل قطع الجدر الموجودة في القرنبيط
عسشان ميعملش طعم وحش في الاكل.
2.
بعد كده هغسل القرنبيط
كويس تحت الحنفية عشان طبعا بقتل أي جراثيم او بكتيريا متعلقة في القرنبيط.
3.
بعد ما قطعنا القرنبيط
وغسلناه هنحط حلة على النار ونحط فيها ماء لحاد نصها وهنحط في المية شوية ملح
وشوية كمون، ونسيب المية شوية على النار لحاد ما تغلي، بعد كده هنحط فيها القرنبيط
عشان نسلقه، بس لازم نخلي بالنا اننا هنسلق القرنبيط نص سلقة، يعني هنسيبه على
النار لمدة 20 دقيقة بس، وهي دي طريقة عمل القرنبيط الصح.
معلومة حلوة اوي:
إذا كنت / كنتي مش بتحبي ريحة القرنبيط او ريحة الكرنب وهو بيتسلق، هنحط مع
القرنبيط قطعة عيش بلدي، هنلاقي ان مفيش ريحة خالص للقرنبيط وهو بيتسلق، وده لان
العيش او الخبز البلدي بيكون فيه (ردة) والردة بتسحب كل الروايح اللي بتطلع من
القرنبيط وهو بيتسلق.
4.
بعد ما ححطينا القرنبيط على
النار عشان يتاسلق، هنبدأ نجهز عجينة الكرنبيط علما القرنبيط يتسالق، كل اللي
هنعمله اننا هنجيب أي طبق عويط شوية وهنحط فيه كباية الدقيق الأبيض وبعدكده هننزل
عليه كباية المية بالراحة ونقلب الدقيق والمية مع بعض كويس جدا بالمعلقة او
بالمبرد لحاد ما يختلطوا كويس جدا ببعض ويكون قوام العجينة ناعم جدا ومش مكلكع.
5.
بعد كده هنضيف الأربع بيضات
للعجينة ونقلبهم كويس جدا بردو مع بعض لحاد ما المكونات كلها تختلط وتمتزج كلها
ببعضها.
6.
بعد كده هنبدأ نضيف
البهارات على العجينة، بس نخلي بالنا مش هنضيف كل البهارات مرة واحدة، احنا في
الخطوة دي هنضيف معلقة صغيرة ثوم
بودرة ومعلقة كبيرة ملح ومعلقة صغيرة فلفل اسود ومعلقة صغيرة كمون، بس مش هنضيف
الكربوناتو في الخطوة دي.
7.
بعد كده هنضيف البقدونس على
العجينة ونقلبهم كويس جدا مع بعض، بعد كده هنضيف عليهم نصف معلقة الكربوناتو
الصغيرة، ونستمر شوية في التقليب عشان نتأكد ان كل المكونات اختلطت ببعضها، وطبعا
لو عاوزين القرنبيط سبايسي او حراق شوية ممكن نحط على العجينة شوية شطة.
8.
بعد ما جهزنا عجينة
القرنبيط وكمان سلقنا القرنبيط وجهزناه هنبدأ دلوقتي نحط الزيت على النار شوية
عشان يكون سخن قبل ما نحط فيه القرنبيط.
9.
دلوقت هنقطع القرنبيط
بالاحجام اللي عاوزينها، ونبدأ نحط القرنبيط في العجينة وبعدين نطلعه ونحطه في الزيت
السخن، بس لازم نخلي بالنا واحنا بتنحط القرنبيط في الزيت نحطه كل قطعة بعيدة عن
التانية عشان ميلزقوش في بعضه.
10. بعد كده
هنبدأ نقلب القرنبيط في الزيت السخن وهو بيتقلي عشان يستوي ويتقلي من كل الجوانب،
وبعد ما يتحمر كويس هنطلعه في طبق خارجي ويفضل اننا نحط تحته مناديل عشان تشرب
الزيت اللي بينزل منه.
وبكده نكون خلصنا طريقة
عمل القرنبيط المقلي ووضحناها بكل تفاصيلها، وبكده يكون القرنبيط جاهز معانا
للتقديم على السفرة، ونتمنا اننا نكون وضحنالكم كل المعلومات اللي أنتم محتاجينها
عن اكلة القرنبيط المقلي، وطبعا لو في عندكم أي استفسارات او ملحوظات متترددوش
ابدأ وسيبوهالنا تحت في التعليقات، وكمان لو عندكم أي اكلة غريبة عاوزين تعرفوا
طريقتها، سيبولنا اسمها بي في التعليقات ومتقلقوش ابدًا احنا هنحضرهالكم
وهنعرضهالكم على طول في مقالة جديدة على موقع أطعم اكلات.
متنسوش
تجربوا طريقة عمل القرنبيط المقلي بتاعتنا وتقولولنا ايه رأيكم في التعليقات تحت،
جربوها ومش هتندموا ابدًا، بالهنا والشفا ودمتم في صحة 💪💪.
اكلات ممكن تعجبك:
ماشاء الله تحفه 💞
ردحذف