حلويات رمضان | طريقة عمل الزلابيا المضمونة بكل سهولة
عدناكم قبل كده اننا طول
شهر رمضان 🌙 هنعمل لكم
وصفة من حلويات رمضان عشان كده جبنا لكم النهار ده طريقة عمل الزلابيا 🍡 الاصلية المضموتة عشان
نعملها في البيت وان شاء الله طريقة عمل الزلابية دي هتطلع معاكم أحلي بكتير من
زلابية المحلات، عشان طبعا احنا في طريقة عمل الزلابيا بتاعتنا هنعرفكم على كل
اسرار الزلابيا وازاي تطلع مقرمشة وهشة وطعمها مظبوط.
على فكرة طريقة عمل
الزلابية سهلة جدا وكمان خطواتها بسطة وسهلة جدا وكمان سريعة ومش هتاخد وقت كبير،
وبالنسبة لمكونات الزلابيا فهي سهلة جدا وبسيطة ومتوفرة في البيت على طول، عشان
كده هتفدري تعملي أحلي حلويات رمضان في البيت بكل سهولة وكمان من غير ما تبذلي أي
مجهود، يلا بينا دلوقتي نشوف مكونات وخطوات طريقة عمل الزلابيا 👇.
مكونات ومقادير الزلابيا:
- كبايتين دقيق ابيض منخول.
- كباية وتلت مية دافية.
- معلقتين كبار من بودرة الكاسترد أو معلقتين كبار من النشا.
- معلقتين صغيرين خميرة فورية.
- معلقتين صغيرين من السكر.
- ربع معلقة صغيرة ملح (رشة ملح بسيطة).
خطوات طريقة عمل الزلابيا:
1.
اول خطوة هنقوم بيها هي
اننا هنخلط كل مكونات الزلابيا الجافة اللي جهزناها مع بعضها كويس جدا بالمعلقة،
المكونات الجافة اللي هي (كبايتين دقيق
ابيض منخول - معلقتين كبار من بودرة الكاسترد أو معلقتين كبار من النشا - معلقتين
صغيرين خميرة فورية - معلقتين صغيرين من السكر - ربع معلقة صغيرة ملح (رشة ملح
بسيطة).
2.
بعد كده هنحط كل
المكونات دي في بولة او أي وعاء غويط عشان نبدأ في عمل عجينة الزلابية.
3.
هنبدأ نضيف كمية المية
شوية بشوية على الدقيق والمكونات الجافة ونبدأ نعجنهم مع بعض بالمعلقة او بالمضرب
اليدوي.
4.
كل ما نلاحظ ان العجينة
محتاجة مية عشان تلين هنضيفلها شوية مية صغيرين، ونكرر الخطوة دي مع استمرار
التقليب لحاد ما كل كمية المية تنتهي، وكمان قوام عجينة الزلابية يبقى متوسط (يعني
القوام ميكونش ماسك نفسه ولا يكون سائل) بالشكل ده 👇👇.
5.
بعد ما نجهز عجينة
الزلابية هنغطيها بكيس بلاستيك او سلوفان ونسيبها لمدة 30 دقيقة عشان تخمر.
6.
بعد مرور 30 دقيقة
هنلاحظ ان عجينة الزلابيا خمرت وحجمها تضاعف وكمان بقت مليانة هوا، هنبدأ نلم
العجينة بأدينا ونفرغها من الهوا ونرجعها زي ما كانت عشان نعرف نقليها في الزيت.
7.
ودلوقتي هنجيب طاسة مليانة
زيت نضيف ونحطها على نار متوسطة، وقبل ما الزيت يسخن بشوية ويبدأ يغلي، هنبدأ نقطع
الزلابيا باستخدام معلقة الشاي الصغيرة على شكل كرات صغيرة وهننزلها على طول في
الزيت.
8.
هنقلب الزلابيا كويس في
الزيت، وكمان هنسيب الزلابيا في الزات لحاد ما تاخد اللون الذهبي، وأول ما
الزلابية تاخد اللون الذهبي الفاتح، او الاصفر هنطلعها من الزيت ونحطها في طبق
خارجي ويفضل اننا نكون مجهزين الطبق ده وحاطتين فيه مناديل عشان تشرب الزيت
الزيادة.
9.
بعد كده هنسيب الزلابية
شوية لحاد ما تبرد خالص، وبعد ما تبرد هنبدأ نحطها في زيت سخن عشان نحمرها مرة
تانية لحاد ما تاخد لونها الطبيعي اللي هو اللون الذهبي الغامق زي اللي فالصور دي 👇.
10.
لازم طبعا نقلبها كويس في
الزيت عشان كلها تستوي زي بعضها وتكون كلها بنفس اللون، طبعا الخطوة دي بتتعمل قبل
التقديم على طول عشان تبقى طازة ومقرمشة.
11.
وطبعا في أكثر من طريقة
لتقديم الزلابيا، ممكن نقدمها كده ونضيف عليها شوية صوص شوكولاتة او حليب مكثف او
كراميل لو عسل ابيض او شربات (سيرب)، وممكن كمان نحطها الأول في الشربات وبعد كده
نضيف عليها الصوصات اللي احنا عاوزينها.
ملحوظة مهمة جدا:
- ضروري جدا ان الخميرة الفورية اللي هنستخدمها تكون مضمونة وكمان استخدمناها قبل كدة وجربناها في حاجات تانية عشان الزلابيا متبوظش مننا.
- طريقة عمل الشربات (السيرب) هتلاقوه في طريقة عمل بلح الشام ممكن تتعرفوا عليه من هنا.
وبكده نكون وضحنا لكم كل
اسرار طريقة عمل الزلابيا، نتمنى انها تكون عجبتكم، نتمنى طبعا انكم تجربوها
وتعملوها في البيت وتقولولنا على آرائكم في التعليقات او في الرسايل على صفحتنا في الفيس بوك.
وطبعا لو في عندكم أي استفسارات
او أي حاجة مش واضحة في طريقة عمل الزلابية ياريت يكتبوهالنا تحت في التعليقات تحت
👇 او ابعتوها
لنا في رسايل وكمان لو في عندكم أي اكلات عاوزين تعرفوا طريقتها اتبولنا اسمها في
التعليقات واخحنا هنجهزهالكم في أسرع وقت، جربوا طريقة عمل الزلابيا بتاعتنا، بالف
هنا وشفا، ودمتم في صحة 💪💪.
اكلات سريعة ممكن تعجبكم:
- طريقة عمل الفراخ الصينى.
- طريقة عمل فراخ ستربس.
- طريقة عمل الكنافة النابلسية.
- طريقة عمل العجة التركية.
- طريقة عمل البان كيك الاصلي | وصفة البان كيك الأصلية.
- اسرار طريقة عمل الكيكة بالشوكولاته.
- اصابع البطاطس الهندية المقلية المقرمشة.