طريقة عمل كفتة الفراخ بأسهل 6 خطوات
كفتة الفراخ واحدة من أجمل الوصفات الجديدة اللي
ممكن تعجب أي حد يجربها، وعشان كفتة الفراخ اكلة جميلة وصحية قررنا نعرفكم طريقة عمل كفتة الفراخ المظبوطة والمضمونة عشان نعملها في البيت لأولادنا وعلى نضافة وقدام
عنينا وكمان عشان نحميهم من اكل الشارع، لان كفتة الفراخ جميلة جدا وكل الشباب
والأطفال بيحبوها وبيحبوا طعمها جدا، طريقة عمل كفتة الفراخ سهلة جدا مش بتحتاج أي
مجهود وتعتبر كمان أسهل من كفتة اللحمة، لان خطوات طريقة عمل كفتة الفراخ بتكون
سهلة جدا وقليلة ومش بتحتاج مكونات او بهارات كتير.
كل مكونات كفتة الفراخ بتكون متوفرة دايما في
البيت، والحاجة الحلوة في اكلة كفتة الفراخ ان مكوناتها مش مكلفة ابدا ابدا، وممكن
ندخلها في جدول اكلات البيت بصورة أساسية لانها هتوفر معاكم جد، والجميل كمان في
كفتة الفراخ انها ممكن تتاكل علي الغدا مع المكرونة او الرز وممكن تتعمل كريبات او
سندويتشات وتتاكل في الفطار او في العشا، يعني من الآخر كده كفتة الفراخ هتدخل
معانا في أي وجبة وهتوفر علينا كتير، عشان كده قررنا نشاركم طريقة عمل كفتة الفراخ ونوضحها لكم بالتفصيل، يلا بينا نبدأ👇👇.
مقادير ومكونات كفتة الفراخ:
- ربع كيلو صدور فراخ.
- حباية بطاطس كبيرة.
مكونات قلي كفتة الفراخ:
- طبق بقسماك عليه (نص معلقة ملح صغيرة + نص معلقة شطة صغيرة).
- بيضة كاملة عليها نصف معلقة فلفل اسود صغيرة.
- طبق دقيق عليه (نص معلقة ملح صغيرة + نص معلقة شطة صغيرة).
بهارات كفتة الفراخ:
- معلقة ونص صغيرة ملح.
- نصف معلقة صغيرة فلفل اسود.
- نصف معلقة صغيرة شطة حمراء (ممكن نزود وممكن نقلل حسب الرغبة).
- نصف معلقة صغيرة زعتر.
- 3 معالق صغيرين بصل بودر.
- معلقتين صغيرين ثوم بودر.
- معلقة بابريكا صغيرة.
خطوات طريقة عمل كفتة الفراخ:
قبل ما
نبدأ في توضيح طريقة عمل كفتة الفراخ لازم نعرف ان كفتة الفراخ من أسهل
الاكلات اللي ممكن نعملها في البيت، وكمان خطواتها قليلة جدا وسريعة ومش هتحتاج لاي
وقت او مجهود او تكاليف عالية، وعشان كده كمان هنتعلم خطواها بكل سهولة يلا بينا
نشوف خطوات طريقة عمل كفتة الفراخ 👇👇:
1. اول خطوة في طريقة عمل كفتة الفراخ اننا هنجيب صدور
الفراخ ونبدأ نقطعها ونخليها كويس جدا من كل العضم اللي فيها، بعد كده هنغسل حباية
البطاطس الكبيرة ونقطعها مكعبات كبيرة ونسلقها شوية.
2. بعد كده هنحط قطع الفراخ في الكبة او المفرمة ونبدأ نفرمها
فرمة صغيرة خالص في الأول، وبعد ما نفرم الفراخ في الكبة هنحط عليها مكعبات
البطاطس المسلوقة، ونفرمها كمان فرمة صغيرة.
3. بعد كده هنضيف عليها كل
بهارات كفتة الفراخ اللي ذكرناها اللي هي معلقة ونص صغيرة ملح ونصف معلقة صغيرة فلفل اسود
ونصف معلقة صغيرة شطة حمراء ونصف معلقة صغيرة زعتر و3 معالق صغيرين بصل بودر ومعلقتين
صغيرين ثوم بودر ومعلقة بابريكا، ونفرم كل مكونات كفتة الفراخ مع بعضها كويس.
4. بعد كده هنجيب الخلطة اللي فرمناها كلها
وهنبدأ نصبعها او نشكلها زي ما احنا عاوزين، بس لازم نخلي بالنا اننا ندهن أيدينا بشوية
زيت واحنا بنشكل كفتة الفراخ عشان متلزقش فأدينا وتبقي صعبة واحنا بنصبعها وتاخد
وقت كتير.
5. بعد ما نصبع الكفتة هنحط صباع الكفتة في طبق
الدقيق ونغرقه بالدقيق من كل الجوانب، بعد كده هننزله في البيض ونغرقه بردو في
البيض من كل ناحية، بعد كده هنحطه في طبق البقسماط ونغرقه بالبقسماط، وهنكرر
الخطوة دي مع كل الكمية من كفتة الفراخ اللي معانا ونحط صوابع الكفتة جنب بعضها في
طبق كبير او صينية.
6. بعد كده هنحط طاسة غويطة شويه على نار متوسطة
ونحط فيها كمية كبيرة من الزيت ونسيبه شوية لحاد ما يسخن كويس، وبعد ما الزيت يسخن
هنبدأ ننزل فيه كفتة الفراخ واحدة بواحدة ونسيبها لحاد ما تستوي ونقلبها كويس بحيث
تستوي من كل الجوانب، بعد ما الكفتة تستوي هنطلعها ونحطها في طبق وبكده تكون كفتة
الفراخ جاهزة للتقديم.
وبكده
نكون وضحنالكم كل خطوات طريقة عمل كفتة الفراخ، أيه رأيكم بأه؟! مش قولنالكم انها
اكلة خفيفة وسهلة وسريعة، على فكرة اكلة كفتة الفراخ أي حد ممكن يعملها مي لازم يكون
بيعرف يطبخ او شاطر في الطبخ، نتمنا انكم تجربو كفتة الفراخ على طريقتنا وتقولولنا
على رأيكم في التعليقات تحت.
وبردوا لو في عندكن أي ملاحظات او استفسارات او لو
في أي حاجة مش واضحة ممكن تسيبوهالنا تحت في التعليقات واحنا هنرد عليكم في أسرع
وقت، وكمان لو في عندكم أي اكلات عاوزين تعرفوا طريقتها بكل التفاصيل، سيبولنا
اسمها تحت في التعليقات واحنا هنعملهالكم وهنوضحهالكم بكل تفاصيلها في مقالات
جديدة، جربوا طريقة عمل كفتة الفراخ بتاعتنا بالهنا والشفا، ودمتم في صحة💪💪.
اكلات ممكن تعجبك:
- طريقة عمل الفراخ الصينى.
- طريقة عمل فراخ ستربس.
- طريقة عمل الكنافة النابلسية.
- طريقة عمل العجة التركية.
- طريقة عمل البان كيك | البان كيك الأصلي.
- اصابع البطاطس الهندية المقلية المقرمشة.
وتقدري بردو تشتري أفضل أدوات المطبخ اللي هتساعدك وتوفر ليكي كتير وكمان بأسعار ممتازة من هنا