طريقة عمل الكوسة بالبشاميل باسهل وصفة
الكوسة واحدة من الأطعمة اللي بيفضلها المصريين في كل بيت، الكبار والصغيرين
بيحبوها مش بس عشان طعمها الجميل ده كمان عشان فوايدها الكبيرة جدا، الكوسة بتتعمل
وبتتقدم في كل المناسبات المختلفة وكمان بتعتبر طبق رئيسى لست البيت المصرية،
وبالخصوص صينية الكوسة بالبشاميل وده طبعا عشان طعمها الجميل
اللي بيحبب فيها كل أفراد الأسرة ده غير فوايدها الكتير اللي بتفيد الجهاز المناعي
وبتساعد على تقوية النظر والعناية بالبشرة.
ده
غير ان الكوسة قليلة السعرات الحرارية وغنية بالبروتين والالياف يعني ممكن نأكلها
عادي واحنا بنعمل دايت، وعشان كده النهارده هنقدملكم أسهل وصفه لست الكل وبأقل
الإمكانيات لكل بيت وهي طريقة عمل الكوسة بالبشاميل، وعشان تطلع الكوسه بالبشاميل مظبوطه لازم تتبعي الوصفه
من الأول للاخر.
المكونات اللي هنستخدمها في تحضير الكوسة بالبشاميل:
·
كيلو ونص كوسه.
·
نصف كيلو لحمة مفرومة.
مكونات البشاميل:
·
لتر ونصف لبن.
·
ملعقتين كبار دقيق.
·
ملعقتين كبار زيت زبدة او سمنة حسب المتوفر في البيت.
·
نصف معلقة صغيرة ملح.
·
نصف معلقة صغيرة فلفل أسود.
·
نصف كوباية جبنة موتزريلا او شيدر.
مكونات عمل تعصيجة اللحمة المفرومة:
·
نصف كيلوغرام من لحم
المفروم ناعماً
·
بصلة مفرومة ناعمة.
·
فص من الثوم المهروس.
·
ملعقتان كبيرتان من
السمن.
·
ملعقة صغيرة من الملح.
·
ملعقة صغيرة من بهارات
اللحمة.
·
ملعقة صغيرة من الفلفل
الأسود.
طريقة عمل البشاميل:
اول حاجه هنحضرها صوص البشاميل عشان يبقا
جاهز معانا، ولازم يكون البشاميل مش تقيل يفضل يكون خفيف بالظبط زي ما عملنا في طريقة النجرسكو، عشان كده لازم نركز كويس جدا عشان
نتعلم طريقة عمل بشاميل كويس وميبوظش مننا.
1. على نار هادية هنضيف في الوعاء اللي هنعمل فيه البشاميل معلقتين من الزبده
ومعلقتين من الدقيق ونقلب كويس لحد ما المكونات تختلط مع بعض.
2. بعد كده
هنضيف اللبن مع التقليب عشان متكلكعش مننا ونضيف رشه الملح ورشه فلفل الأسود، وأول
لما تتجانس مع بعضها ممكن نحط عليها جبن الموزاريلا او الشيدر، ونقلبهم كويس جدا
مع لعض عشان الجبنة تسيح شوية في البشاميل.
خطوات تعصيجة اللحمة:
1. هنحط الأول معلقتين السمنة في الطاسة على النار، وهنسيبها لحد
ما تذوب، وبعدين هنضيف البصل والثوم ونقلب لحد ما تدبل.
2. وبعد
كده هنزل اللحمه معاهم ع نار عالية ونقلب لحد ما يتغير لون اللحمة، وبعد كده نضيف
الملح وبهارات اللحمة والفلفل الأسود.
3. وبعد
كده نسيبه ع نار هاديه لحد ما يستوي براحته، وبكده تكون اللحمة المتعصجة خلصت
معانا وجاهزة.
خطوات طريقة عمل الكوسة بالبشاميل:
1. هنغسل
الكوسة كويس جدا وبعدين هنجيب السكينه ونقطعها شرائح طولية سميكة.
2. بعد كده
هنحطها في الزيت على النار شويه لحد ما تتحمر من الجنبين وبعدين نطلعها.
3. بعد ما
نطلع الكوسة من الزيت هنضيف عليها رشه ملح وفلفل أسود ورشة حبهان مطحون ناعم (ربع
معلقه صغيرة).
4. هنجيب
بعد كده الصنية اللي هنعمل فيها الكوسة بالبشاميل ونبدأ نجهزها.
5. هنضيف في
الصينية كوب من صوص البشاميل ونبدأ نرص الكوسه اللي جهزناها مع بعض وتكون دي اول
طبقه بحيث نغطى طبقه البشاميل.
6. وبعد
كده هنضيف عليها طبقة من اللحمة المفرومة اللي عصجناها مع بعض فوق، وبعد كده هنضيف
الكوسة ونرصها فوق اللحمه بحيث اننا نغطيها تماما، ونضيف فوقهم باقي صوص البشاميل
اللي عملناه.
7. ونضيف على
الوش جبنة موتزاريلا او شيدر او قشطة حسب الرغبه بردوا بس هتبقا احلي بالجبن
وخصوصا الموزاريلا.
8. وندخل
الصينيه الفرن وتتسخن على درجه حرارة 180 درجه مئويه لمده 54 دقيقه او ع حسب درجه حرارة
الفرن لحد اما الوش يتحمر.
وبكده نكون
وضحنالكم طريقة عمل البشاميل وكمان وضحنالكم طريقه
عمل الكوسة بالبشاميل، ونتمنا تكونوا استفدتم منها وتجربوها واكيد هتطلع حلوة
معاكم، طبعا لو في أي استفسار عندكم او أي حاجة مش واضحة يا ريت تسيبوهالنا تحت في
التعليقات، وبنفكركم بردو لو في عندكم أي اكلة عاوزين تعرفوا خطواتها او مقاديرها
متترددوش وقولولنا على اسمها تحت في التعليقات، ومتنسوش تجربوا الكوسة بالبشاميل،
بالهنا والشفا ودمتم في صحة 💪💪.
اكلات ممكن تعجبك:
- طريقة عمل الفراخ الصينى.
- طريقةعمل فراخ ستربس.
- طريقة عمل الكنافة النابلسية.
- طريقة عمل العجة التركية.
- طريقة عمل البان كيك | البان كيك الأصلي.
- اصابع البطاطس الهندية المقلية المقرمشة.
وتقدري بردو تشتري أفضل أدوات المطبخ اللي هتساعدك وتوفر ليكي كتير وكمان بأسعار ممتازة من هنا
تحفه
ردحذف